title
title
Περὶ τῆς κατὰ θεωρίαν ἁρμονίας τοῦ σώματος τοῦ Κυρίου καὶ τῶν μετόχων αὐτοῦ· ἀπεπίγραφον.
ch
1
1
Κεφαλὴ Χριστοῦ, γνῶσις οὐσιώδης τῆς ἁγίας μονάδος· καὶ ὁ ταύτης καταξιούμενος, κληρονόμος αὐτοῦ ἔσται, ὥστε αὕτη ἐστὶν ἡ αἰώνιος ζωή, καὶ ἔσονται ἐν ἡμῖν ἕν, ὥσπερ ἡμεῖς ἕν ἐσμεν.
ch
2
2
Πρόσωπον Χριστοῦ, παρουσία Πνεύματος ἁγίου· καὶ ὁ ταύτης καταξιούμενος ὄψεται καὶ τὸ ἅγιον Πνεῦμα.
ch
3
3
Ὀφθαλμοὶ Χριστοῦ, ἀψευδεῖς θεωρίαι, ἡ μὲν τῆς ἁγίας Τριάδος, ἡ δὲ πάντων τῶν γεγονότων.
ch
4
4
Ὦτα Χριστοῦ, ὑπακοὴ Πατρός, ἡ μὲν ἐντολῶν, ἡ δὲ ἀφράστων μυστηρίων.
ch
5
5
Ῥῖνες Χριστοῦ, εὐωδία Πνεύματος ἁγίου· καὶ ὁ ταύτης καταξιούμενος, ἐντὸς ἔσται τοῦ νυμφῶνος αὐτοῦ.
ch
6
6
Στόμα Χριστοῦ, ἀλήθεια Πνεύματος· καὶ ὁ τούτῳ κοινωνῶν, υἱοθεσίας καταξιωθήσεται, καὶ
ἐξ ἀναξίου τίμιον ἐξαγάγῃ
κατὰ τὸν θεῖον λόγον.
ch
7
7
Χείλη Χριστοῦ, ἁγιωσύνης φίλημα· καὶ ὁ αὐτὰ ἡρμοσμένος, ἐν ἁγνείᾳ συναφθήσεται.
ch
8
8
Ὀδόντες Χριστοῦ, πράξεις καθαραί· καὶ ὁ τούτους μετιών, καθαρώτερος ἔσται γάλακτος.
ch
9
9
Γλῶσσα Χριστοῦ, Πνεύματος Πατρὸς ἀποκάλυψις· καὶ ὁ ἀγαπῶν αὐτὸν συνόμιλος αὐτοῦ ἔσται.
ch
10
10
Λάρυγξ Χριστοῦ, δύναμις λόγου πνευματικοῦ· καὶ ὁ ἐσθίων σαρκὸς αὐτοῦ, νοστηθήσεται αὐτῆς.
ch
11
11
Τράχηλος Χριστοῦ, πύργος, φυγαδευτήριον λογικῶν· καὶ ὁ ἔχων πραότητα αὐτοῦ, οὐ μὴ ἐμπέσῃ
εἰς χεῖρας ἀγχιστευόντων
.
