1
section
1
Principium charitatis, est alteri alterius gloriae mutua responsio.
2
section
2
Bonum est ditescere in mansuetudine et charitate.
3
section
3
Ventilator virtutis est superba cogitatio.
4
section
4
Plana via fit ab eleemosyna.
5
section
5
Injustus judex est conscientia inquinata.
6
section
6
Durum est servire passionibus carnis.
7
section
7
Si volueris esse absque dolore, stude placere Deo.
8
section
8
Qui honeste sui curam gerit, ipsius a Deo cura geritur.
9
section
9
Temperans cor portus est contemplationum.
10
section
10
Quando voles te ipsum nosse quisnam sis, ne compares cum eo, quis eras, sed cum eo qui ab initio fuisti.
11
section
11
Cisterna sine aqua est anima gloriae cupida.
12
section
12
Anima superba taberna est latronum, oditque sonitum scientiae.
13
section
13
Veri viri malus est error nescire Scripturas.
14
section
14
An Deum timeas, agnoscito e lacrymis.
15
section
15
Armatura infracta est humilitas animae.
16
section
16
Arbor paradisi est vir cupidus virtutis.
17
section
17
Jesus Christus est lignum vitae, utere ipso ut oportet, et non morieris in aeternum.
18
section
18
Benefac his qui sunt vere pauperes, et comedes CHristum.
19
section
19
Robur verum est Christi corpus comedere.
20
section
20
Si amas Christum, ejus mandata servare ne obliviscaris.
21
section
21
Inde namque demonstratur qui post Deum est benefactor.
22
section
22
Qui secundum Deum amicus est, lac, et mel, veris fluit sermonibus.
23
section
23
Anima vero pigra talem non habebit amicum.
24
section
24
Crudelis herus, cogitatio cupida voluptatis.
25
section
25
Tacere veritatem est aurum sepelire.
26
section
26
Qui timet Deum, facit omnia secundum Deum.
