ܣܥܪ ܣܘܥܪܢܐ ܐܝܬܘܗܝ ܗ݁ܘ ܕܡܢܬܐ ܕܚܫܘܫܘܬܐ ܕܢܦܫܐ ܩܢܐ ܕܠܐ ܚܫܐ܀

ܝܕܘܥܬܢܐ ܐܝܬܘܗ݂ܝ ܗ݁ܘ ܕܒܕܡܘܬ ܡܠܚܐ ܐܝܬܘܗܝ ܠܛܡ̈ ܐܐ܇ ܘܐܝܟ ܢܘܗܪܐ ܠܕܟ̈ ܝܐ܀

ܝܕܥܬܐ ܕܡܢ ܠܒܪ ܡܢܢ ܓܕܫܐ ܒܢ܆ ܒܝܕ ܡ̈ ܠܐ ܡܚܘܝܐ ܠܢ ܡܠܘܐܗ݁܇ ܗ݁ܝ ܕܝܢ ܕܡܢ ܛܝܒܘܬܐ ܕܐܠܗܐ ܗܘܝܐ ܨܐܝܕܝܢ܆ ܗܢܝܢ ܨܒ̈ ܘܬܐ ܚܬܝܬܐܝܬ ܡܚܘܝܐ ܠܬܪ̈ ܥܝܬܐ܇ ܕܒܗܝܢ ܚܐܪ ܗܘܢܢ ܘܥܠܝܗܝܢ ܡ̈ ܠܐ ܡܦܩ܁ ܐܝܬ ܠܗ ܕܝܢ ܣܩܘܒܠܐ ܠܗ݁ܝ ܝܕܥܬܐ ܕܡܢ ܠܒܪ ܛܘܥ܁ ܠܗܕܐ ܕܝܢ ܕܬܪ̈ ܬܝܢ܂ ܚܡܬܐ ܘܪܘܓܙ܇ ܘܗܠܝܢ ܕܠܗܠܝܢ ܢܩܝܦܢ

ܟܠܗܝܢ ܡܝܬܪ̈ ܬܐ ܡܕܠܢ ܐܘܪܚܐ ܩܕܡ ܝܕܘܥܬܢܐ܂ ܝܬܝܪ ܕܝܢ ܡܢ ܟܠܗܝܢ ܗܕܐ ܕܠܐ ܢܣܩ ܪܘܓܙܗ܁ ܗ݁ܘ ܓܝܪ ܕܐܬܩܪܒ ܠܘܬ ܐܝܕܥ݂ܬܐ܆ ܘܕܠܝܠܐܝܬ ܡܬ݂ܬܙܝܥ ܡܢ ܪܘܓܙܐ܆ ܕܡ݁ܐ ܠܗ݁ܘ ܕܒܡܚܛܐ ܕܦܪܙܠܐ ܥܝ̈ ܢܘܗܝ ܡܕܥܨ . ܀܀

ܢܙܕܗܪ ܝܕܘܥܬܢܐ ܒܡܬܬܚܬܝܢܘܬܗ܆ ܕܠܐ ܢܛܥܐ ܘܢܨܛܒܥ ܠܗ ܒܗ܇ ܘܢܬܚܦܛ ܕܟܠܗܝܢ ܡܝܬܪ̈ ܬܐ ܫܘܝܐܝܬ ܢܓܡܘܪ܆ ܕܗ̈ ܘܝ ܐܬܝܢ ܚܕܐ ܒܬܪ ܚܕܐ܁ ܡܛܠ ܕܡܟܢ ܗܘܢܐ ܕܢܫܬܠܡ ܡܢ ܗ݁ܝ ܕܡܬܒܨܪܐ

ܝܕܘܥܬܢܐ ܒܟܠܙܒܢ ܢܕܪܫ ܢܦܫܗ ܠܪ̈ ܚܡܐ . ܘܠܡܥܒܕ ܛܒ̈ ܬܐ ܢܬܛܝܒ . ܐܢ ܕܝܢ ܥܠ ܟܣܦܐ ܣܢܝܩ܆ ܢܙܝܥ ܡܐܢܐ ܕܢܦܫܗ܁ ܟܠ ܡܕܡ ܓܪ ܡܟܢ ܐܦ ܕܠܐ ܟܣܦܐ ܠܡܥܒܕ ܪ̈ ܚܡܐ܁ ܗܠܝܢ ܕܠܐ ܥܒܕܝܢ ܗܢܝܢ ܚܡܫ ܒܬܘ̈ ܠܬܐ ܘܕܥܟ ܠܡ̈ ܦܕܝܗܝܢ .

ܫܟܝܪܐ ܠܝܕܘܥ̈ ܬܢܐ ܕܝܢܐ ܢܐܡܪ܁ ܐܢ ܡܬܛܠܡ݂ ܘܐܢ ܛ݁ܠܡ܁ ܐܢ ܡܛܬܠܡ܆ܕܠܐ ܣܝܒܪ܁ ܘܐܢ ܛܠܡ܆ ܡܛܘܠܬܗ݁ ܕܛܠܘܡܘܬܐ

ܐܝܕܥ݂ܬܐ ܕܡܬܢܛܪܐ܆ ܡܠܦܐ ܠܡܩܒܠܢܗ ܕܐܝܟܢܐ ܬܬܢܛܪ܆ ܘܐܝܟܢܐ ܬܗܘܐ ܡܫܬܘܫܛܐ ܠܩܕܡܝܗ݁܁܀܀

ܢܣܬܟܠ ܝܕܘܥܬܢܐ ܐܢ ܒܙܒܢܐ ܕܡܦܫܩ܇ ܡܚ݂ܪܪ ܡܢ ܪܘܓܙܐ ܘܐܟܬܐ ܘܥܩܬܐ ܘܚܫ̈ ܐ ܕܦ ܓܪܐ . ܘܨܦܬܐ

ܠܐ ܘ݁ܠܐ ܕܒܣ̈ ܓܝܐܐ ܠܦܓܥ܇ ܥܕܡܐ ܕܒܛܒ̈ ܬܐ ܡܨܛܒܥܝܢ ܚܢܢ܁ ܐܦ ܠܐ ܥܝܕܐ ܠܩܬ ܣܓܝܐ̈ ܐ ܠܡܩܢ܇ ܕܠܐ ܢܡܠܐ ܗܘܢܢ ܗ̈ ܓܓܐ .

ܡܕܡ ܕܚܫܚ ܠܚܝ̈ ܝܢ ܡܢ ܥܒ̈ ܕܐ ܕܡܝܬܪܘܬܐ ܐܘ ܕܟܝܢܐ ܐܘ ܕܝܕܥ݂ܬܐ ܕܐܠܗܐ܆ ܗܠܝܢ ܠܡܐܡܪ ܘܠܡܣܥܪ݂ ܥܕܡܐ ܠܡܘܬܐ ܘܠ݁ܐ܁ ܐܢ ܕܝܢ ܡܢ ܗܠܝܢ ܐܢܝܢ ܡܨ̈ ܥܝܬܐ܆ ܠܐ ܠܡܐܡܪ ܐܠܨܐ ܘܠܐ ܠܡܥܒܕ܁ ܡܛܘܠ ܗܕܐ ܕܕܠܝܠܐܝܬ ܡܬܟܫܠܝܢ . ܀܀

ܙܕܩ ܕܠܛܠܝ̈ ܐ ܘܠܥܠܝܡ̈ ܐ ܥܠ ܥܒܕܐ ܕܡܝܬܪܘܬܐ ܠܡܡܠܠܘ . ܘܥܠ ܝܘܠܦܢܐ ܕܐܠܗܐ ܘܕܟܝܢܐ ܩܠܝܠ ܡܢ ܣܓܝ ܠܡܦܫܩܘ܁ ܕܕܠܐ ܗܢܝܢ ܓܝܪ ܠܐ ܐܢܫ ܚܙܐ ܠܡܪܝܐ

ܠܟܗ̈ ܢܐ ܒܠܚܘܕ ܦܢ݂ܐ ܦܬܓܡܐ ܡܐ ܕܡܫܐܠܝܢ ܠܟ܇ ܘܠܗ݁ܢܘܢ ܕܚܦܝܛܝܢ ܒܕܚܠܬ ܐܠܗܐ܇ ܕܡܢ ܐܢܘܢ ܐܪ̈ ܙܐ ܕܡܢܗܘܢ ܡܬܓܡܪܝܢ܇ ܘܠܒܪ ܐܢܫܢ ܓܘܝ݁ܐ ܡܕܟܝܢ܁ ܘܕܡܩܒܠܢܐ ܘܒܘܚܪܢܐ ܕܒܢ܆ ܬܚܘܝܬܐ ܐܝܬܘܗܝ ܕܡ̈ ܢܘܬܐ ܕܚܫܘܫܘܬܐ ܕܢܦܫܐ ܘܕܚܫܘܒܬܢܘܬܗ܁ ܘܐܝܢܘ ܚܘܠܛܢܗܘܢ ܕܠܐ ܡܬܦܪܫ . ܘܐܡܬܝ ܥܠܒܐ ܡܢܬܐ ܠܚܒܪܬܗ܇ ܘܕܟܠ ܚܕ ܚܕ ܡܢ ܣܘܥܪ̈ ܢܐ ܡܡܠܝܢܐ ܐܝܬܘܗܝ ܕܚܕ ܛܘܦܣܐ . ܐܡܪ ܠܗܘܢ ܕܝܢ ܬܘܒ܆ ܕܗ݁ܘ ܕܗܠܝܢ ܥܒܕ ܐܪܙܐ ܕܡ݁ܢ ܐܝܬܘܗ ܝ܁ ܘܐܝܠܝܢ ܐܢܘܢ ܗܠܝܢ ܕܥܡܗ܇ ܪܕܦܝܢ ܠܗܠܝܢ ܕܟܠܝܢ ܕܢܚܘܢ ܒܕܟܝܘܬܐ . ܘܕܡܢܗܝܢ ܕܚܝ̈ ܘܬܐ ܐܝܬ ܠܗܝܢ ܥܘܗܕܢܐ܇ ܘܡܢܗܝܢ ܠܝܬ ܠܗܝܢ

ܐܣܬܟܠ ܙܒܢܐ ܕܡ̈ ܠܐ ܘܕܥܒ̈ ܕܐ ܘܕܢܡ̈ ܘܣܐ܆ ܕܢܗܘܐ ܐܝܬ ܠܟ ܠܡܡܠܠܘ ܐܝܠܝܢ ܕܡܥܕܪ̈ ܢ

ܘ݁ܠܐ ܕܗ݂ܘܐ ܐܝܬ ܠܟ ܡܠܘܐܐ ܠܦܘܫܩܐ ܕܗܠܝܢ ܕܡܬܐܡܪܢ . ܘܢܣܦܩܢ ܠܟ ܟܠܗܝܢ ܨܒ̈ ܘܬܐ܇ ܐܦܢ ܢܗܘܐ ܕܚܕܐ ܡܢ ܡ̈ ܢܘܬܗܝܢ ܦܠܛܐ ܠܢ . ܕܡܠܐܟܐ ܓܝܪ ܐܝܬܝܗ݁ ܕܠܐ ܬܛܥܝܘܗܝ ܚܕܐ ܡܢ ܗܠܝܢ ܕܒܐܪܥܐ܁܀

ܐܠܨܐ ܕܬܚܘ̈ ܡܐ ܕܨܒ̈ ܘܬܐ ܠܡܕܥ܆ ܘܝܬܝܪܐܝܬ ܕܡܝܬܪ̈ ܬܐ ܘܒܝܫ̈ ܬܐ܁ ܗܠܝܢ ܓܝܪ ܐܝܬܝܗܝܢ ܡܒܘ̈ ܥܐ ܘܪ̈ ܝܫܐ ܕܐܝܕܥ݂ܬܐ ܘܕܠܐ ܐܝܕܥܬܐ܁ ܘܕܡܠܟܘܬܐ ܕܫܡܝܐ ܘܕܡܣܡ ܒܪܫܐ ܀

ܘ݁ܠܐ ܠܢ ܕܢܣܬܟܠ ܐܦ ܦܠܐܬ̈ ܐ ܕܐܪ̈ ܙܐ ܐܦ ܦܫܝ̈ ܛܬܐ܁ ܕܐܢ ܥܠ ܕܘܒܪ̈ ܐ ܕܡܝܬܪܘܬܐ܁ ܐܘ ܕܟܝܢܐ ܐܘ ܕܝܕܥ݂ܬܐ ܕܐܠܗܐ ܐܝܬܝܗܝܢ܆ ܘܐܢ ܥܠ ܕܘܒܪ̈ ܐ ܐܡܝܪܢ ܢܣܬܟܠ . ܐܢ ܥܠ ܚܡܬܐ ܘܥܠ ܗܢܝܢ ܕܓ݂ܕܫܢ ܡܢܗ ܐܡܪܢ܆ ܐܘ ܥܠ ܪ̈ ܓܝܓܬܐ ܘܥܠ ܗܢܝܢ ܕܢܩܝܦܢ ܠܗ܁ ܐܘ ܥܠ ܗܘܢܢ ܘܙܘ̈ ܥܘܗܝ . ܐܢ ܕܝܢ ܥܠ ܗܠܝܢ ܕܟܝܢܐ܆ ܘ݁ܠܐ ܕܢܚܘܪ܆ ܕܠܡܐ ܥܠ ܬܓܡ̈ ܐ ܕܟܝܢܐ ܡܕܡ ܪܡܙܢ܇ ܘ ܥܠ ܐܝܠܝܢ ܕܡܢܗܘܢ . ܐܢ ܕܝܢ ܥܠ ܐܠܗܘܬܐ ܗܝ ܦܠܐܬܐ ܐܡܝܪܐ܆ ܟܡܐ ܕܐܝܬ ܒܚܝܠܢ ܠܡܒܨܐ܁ ܕܐܢ ܥܠ ܬܠܝܬܝܘܬܐ ܩܕܝܫܬܐ ܡܘܕܥ݂ܐ܆ ܘܗ݂ܝ ܗܕܐ ܦܫܝܛܐܝܬ܆ ܐܘ ܫܡܐ ܕܐܚܪܢܐ ܡܕܡ ܥܡܗ ܡܘܕܥ܁ ܐܢ ܕܝܢ ܘܠܐ ܚܕܐ ܡܢ ܗܠܝ݂ܢ . ܚܙܬܐ ܗܝ ܫܚܝܡܬܐ ܐܘ ܢܒܝܘܬܐ ܡܘܕܥ

ܫܦܝܪ ܠܡܕܥ ܥܝܕܐ ܕܟܬܒܐ ܐܠܗܝܐ܁ ܘܗ݂ܘ ܗܢܐ ܐܝܟ ܕܡܫܟܚܝܢܢ ܒܝܕ ܣܗ̈ ܕܘܬܐ ܠܡܩܝܡܘ

ܘܗܕܐ ܬܘܒ ܢܕܥ܆ ܕܠܘ ܟܠ ܦܬܓܡܐ ܕܡܪܬܝܢܘܬܐ ܐܝܬ ܒܗ ܐܦ ܣܘܟܠܗ݁ ܕܡܪܬܝܢܘܬܐ ܗܘ܁ ܐܦ ܠܐ ܗ݁ܘ ܕܟܝܢܐ ܣܩܘܒܠܗ { ܣܘܟܠܗ } ܕܟܝܢܐ ܗܘ܁ ܐܠܐ ܐܦ ܡܪܬܝܢܐ ܡܘܕܥ ܥܠ ܟܝܢܐ . ܘܗ݁ܘ ܕܟܝܢܐ ܐܝܬܘܗܝ݂ ܡܪܬܝܢܐ܁ ܘܗܢܐ ܬܘܒ ܐܡ݂ܪ ܥܠ ܐܠܗܘܬܐ܁ ܗܘ ܓܝܪ ܕܐܡܪ ܥܠ ܙܢܝܘܬܐ ܘܓܝܪܘܬܐ ܕܐܘܪܫܠܡ܆ ܘܥܠ ܚ̈ ܝܘܬܐ ܕܝܒܫܐ ܘܕܡ̈ ܝܐ : ܘܕܦܪܚܬܐ ܘܕܕܟܝܢ ܘܕܠܐ ܕܟܝܢ : ܘܕܕܢܚ ܫܡܫܐ ܘܥܪܒ ܘܠܕܘܟܬܗ ܢܓܕ܆ ܗܠܝܢ ܩܪܝܢܗܝܢ ܡܣܬܒܪ ܕܡܘܕܥ ܡܕܡ ܐܚܪܝܢ . ܣܘܟܠܗܝܢ ܕܝܢ ܐܝܬܘܗܝ ܡܕܡ ܐܚܪܝܢ܁ ܗ݁ܘ ܓܝܪ ܕܥܠ ܙܢܝܘܬܐ ܐܡܪ ܕܐܘܪܫܠܡ܆ ܡܘܕܥ ܥܠ ܐܠܗܘܬܐ ܟܕ ܡܣܬܒܪ݂ ܕܡܪܬܝܢܘܬܐ ܗ ܁ ܘܗ݁ܘ ܕܚܝ̈ ܘܬܐ ܕܕܟܝܢ ܘܕܠܐ ܕܟܝܢ ܕܡܣܬܒܪ ܕܐܝܬܘܗܝ ܕܟܝܢܐ . ܐܝܬܘܗܝ ܕܝܢ܂ ܦܬܓܡܐ ܕܡܪܬܝܢܘܬܐ܁ ܗ݁ܘ ܕܝܢ ܕܫ݂ܡܫܐ݂ ܐܝܬܘܗܝ ܕܟܝܢܐ܁ ܘܗܐ ܡܣܬܒܪ ܗܘܐ ܕܗܘ ܦܬܓܡܐ ܩܕܡܝܐ ܐܝܬܘܗܝ ܗܘܐ ܡܪܬܝܢܐ܁ ܘܗܠܝܢ ܕܝܢ ܬܪ̈ ܝܢ ܕܟܝܢܐ܀܀

ܡ̈ ܠܐ ܕܦܪ̈ ܨܘܦܐ ܡ̈ ܨܚܝܐ ܠܐ ܬܣܒܪ ܕܐܝܬ ܒܗܝܢ ܐ ܪ̈ ܙܐ܁ ܘܠܐ ܬܒܥܐ ܡܕܡ ܪܘܚܢܐ܁ ܐܠܐ ܐܢ ܒܡܕܒܪܢܘܬܐ ܣܥܪ ܐܠܗܐ . ܐܝܟ ܕܒܒܠܥܡ ܘܒܩܝܦܐ . ܕܩܕܡ ܐܡܪ ܗ݂ܘ ܥܠ ܡܘܠܕܗ ܕܦܪܘܩܢ܁ ܘܩܝܦܐ ܥܠ ܡܘܬܗ܀

ܠܐ ܘ݁ܠܐ ܠܗ ܠܝܕܘܥܬܢܐ ܕܗ݂ܘܐ ܟܡܝܪ ܘܠܐ ܚܘܝܚ ܨܝܕ ܗܠܝܢ ܕܩܪܒܝܢ ܨܐܕܘܗܝ܁ ܗ݁ܝ ܓܝܪ ܕܗܘܐ ܐܢܫ ܟܡܝ݂ܪ܁ ܕܓܒܪܐ ܗܝ݂ ܕܠܐ ܡܦܣ݁ ܒܡ̈ ܠܐ ܗܠܝܢ ܕܗܘܝܢ܁ ܘܠܐ ܢܗܘܐ ܦܨܝܚ ܨܝܕ ܗܠܝܢ ܕܩܪܒܝܢ ܨܐܕܘܗܝ܆ ܕܓܒܪܐ ܗܝ ܕܠܐ ܨܒ݁ܐ ܕܟܠ ܐܢܫ ܢܚܐ ܘܢܐܬܐ ܠܝܕܥ݂ܬܐ ܕܫܪܪܐ

ܐܠܨܐ ܒܙܒܢ ܕܢܣܒܪ ܥܠ ܢܦܫܢ ܕܠܐ ܝܕܥ݂ܝܢܢ܆ ܡܛܠ ܗ݁ܢܘܢ ܕܠܐ ܫ݁ܘܝܢ ܕܡܫܐܠܝܢ ܕܢܫܡܥܘܢ . ܡܫܪ ܐܢܬ ܕܝܢ ܐܢ ܐܡ݁ܪ ܐܢܬ ܕܦܓܪܢܐ ܐܝܬܝܟ܆ ܘܠܝܬ ܠܟ ܝܕܥܬܐ ܚܬܝܬܬܐ ܗܫܐ ܕܨ̈ ܒܘܬܐ܀܀

ܚܘܪ ܒܩܢܘܡܟ ܕܠܡܐ ܡܛܘܠ ܥܠܬܐ ܕܝܘܬܪܢܐ܇ ܐܘ ܕܢܗܘܐ ܠܟ ܕܫܦܝܪ ܐܘ ܕܫܘܒܚܐ ܥܒܘܪܐ܇ ܬܐܡ ܪ ܡܕܡ ܕܠܐ ܘ݁ܠܐ ܠܡܬܡܠܠܘ܆ ܘܬܫܕܐ ܡܢ ܚܘܕܪ̈ ܐ ܐ̈ ܠܗܝܐ܇ ܐܝܟ ܗ݁ܘ ܕܒܗܝܟܠܐ ܡܙܒܢ ܗܘܐ ܒ̈ ܢܝ ܝܘ̈ ܢܐ . ܀

ܠܗܠܝܢ ܕܕܠܐ ܝܕܥܬܐ ܡܬܚܪܝܢ܆ ܠܘ ܡܢ ܫܘܠܡܐ ܐܠܐ ܡܢ ܫܘܪܝܐ ܘ݁ܠܐ ܠܡܬܩܪܒܘ ܠܫܪܪܐ ܠܛܠܝܐ ܕܝܢ ܠܐ ܗܠܝܢ ܕܝܕܘܥ̈ ܬܢܐ ܠܡܐܡܪ܆ ܘܐܦ ܠܐ ܠܟܬܒ̈ ܐ ܕܐܝܟ ܗܠܝܢ ܠܡܬܩܪܒܘ ܠܘܬܗܘܢ ܠܡܫܒܩ܁ ܠܐ ܓܝܪ ܡܫܟܚܝܢ ܠܡܩܡ ܩܕܡ ܫܪ̈ ܥܬܐ ܕܢܩܝܦܢ ܠܗܕܐ ܚܙܬܐ܁ ܡܛܠ ܗܕܐ ܠܗܢ݁ܘܢ ܕܟܬܝܫܝܢ ܡܢ ܚܫ̈ ܐ܆ ܠܘ ܡ̈ ܠܐ ܕܫܝܢܐ ܠܡܐܡܪ ܙܕܩ܁ ܐܠܐ ܕܐܝܟܢܐ ܢܬܢܩܡܘܢ ܡܢ ܒܥ̈ ܠܕܒܒܝܗܘܢ܁ ܠܝܬ ܓܝܪ ܣܒܪܬܐ ܒܝܘܡܐ ܕܩܪܒܐ ܐܝܟ ܕܐܡ݂ܪ ܩܘܗܠܬ܁ ܗܠܝܢ ܗܟܝܠ ܕܟܬܝܫܝܢ ܡܢ ܚܫ̈ ܐ ܘܡܥܩܒܝܢ ܥܠ ܡ̈ ܠܐ ܕܡܓܫܡ̈ ܐ ܘܠܐ ܡܓܫܡ̈ ܐ܆ ܕܡܝܢ ܠܒ̈ ܢܝ ܐܢܫܐ ܟܪ̈ ܝܗܐ : ܕ ܕܪܫܝܢ ܥܠ ܚܘܠܡܢܐ܁ ܠܡܛܥܡ ܕܝܢ ܡܢ ܗܠܝܢ ܟܟܪ̈ ܝܬܐ ܡܠܝܬ ܚܠܝܘܬܐ ܕܝܕܥ݂ܬܐ܆ ܗܝܕܝܢ ܙܕܩ݁ ܠܢ܂ ܐܡܬܝ ܕܡܢ ܚܫ̈ ܐ ܕܢܦܫܐ ܠܐ ܡܬܬܙܝܥܝܢ ܚܢܢ

ܠܘ ܙܒܢܐ ܗܘ ܕܕܪܫܐ ܘܕܦܘܫܩܐ܁ ܡܛܠ ܗܕܐ ܘ݁ܠܐ ܕܢܟܐܐ ܒܗܠܝܢ ܕܕܠܐ ܒܙܒܢܗܘܢ ܗܦܟܝܢ ܥܠܝܗ݁ ܕܡܠܬܐ . ܐܘ ܕܗܪ̈ ܣܝܘܛܐ ܓܝܪ ܐܘ ܕܚܪ̈ ܝܝܐ܁ ܐܝܬܘܗܝ ܗܢܐ ܥܝܕܐ

ܠܐ ܡܬܘܡ ܕܠܐ ܚܘ̈ ܫܒܐ ܬܐܡܪ ܥܠ ܐܠܗܘܬܐ ܡܕܡ܂ ܘܠܐ ܕܬܚܡܝܗ݁ ܒܡܕܡ ܡ݁ܡܬܘܡ܂ ܕܗܠܝܢ ܓܝܪ ܕܗܘܘ ܘܐܬܪܟܒܘ ܐܝܬܝܗܘܢ ܬܚ̈ ܘܡܐ

ܗܘܝܬ ܥܗܝܕ ܐܢܬ ܗܠܝܢ ܚܡܫܐ ܐܣ̈ ܟܡܝܢ ܕܐܝܬ ܡܬܕܪܟܢܘܬܐ܁ ܕܬܫܟܚ ܬܬܪܨ ܠܙܥܘܪ̈ ܝ ܢܦܫܐ ܘܠܐܝܠܝܢ ܕܬܚܒܝܢ ܒܥܩ̈ ܬܗܘܢ܁ ܡܝܬܪܘܬܐ ܓܝܪ ܕܡܛܫܝܐ ܒܝܕ ܡܬܕܪܟܢܘܬܐ ܡܬܓܠܝܐ܁ ܘܗ݁ܝ ܐܝܕܐ ܕܐ ܬܒܣܝܬ܆ ܒܝܕ ܡܣܡ ܒܪܫܐ ܥܛܦܐ ܠܕܘܟܬܗ܇ ܘܗܘܝܐ ܥܠܬܐ ܕܚ̈ ܝܐ ܠܐܚܪ̈ ܢܐ܁ ܘܐܡܬܝ ܕܡܝܬܪܘܬܐ ܕܥ݂ܒ̈ ܕܐ ܥܡ ܝܕܥܬܐ ܬܫܬܟܚ܆ ܠܗܠܝܢ ܕܩܢܐܘܗ݁ ܡܟܝܟܘܬܐ ܡܠܦܐ܁ ܣܢܐ ܓܝܪ ܠܒܝܫܬܐ ܗ݁ܘ ܕܢܣܝܗ܇ ܢܣܝܢܐ ܕܝܢ ܝܠܕܐ ܗܘ ܕܡܬܕܪܟܢܘܬܐ܁ ܗܝ ܕܝܢ ܡܬܕܪܟܢܘܬܐ܂ ܒܪܬܐ ܗܝ ܕܠܐ ܚܫܘܫܘܬܐ܂ ܀܀

ܗܠܝܢ ܕܝܠܦܝܢ ܡܢܟ ܡܕܡ܆ܗܘܘ ܟܠܫܥ ܐܡܪܝܢ ܠܟ ܪ̈ ܚܡܝ ܐܬܩܪܒ ܠܥܠ܁ ܫܟܝܪܐ ܗܝ ܓܝܪ ܕܡܐ ܕܣܠܩܬ݁ ܠܥܠ ܒܝܘܠܦܢܟ܆ ܬܘܒ ܡܢ ܫܡ̈ ܘܥܝܟ ܬܬܚܬܐ ܠܬܚܬ܀

ܪܚ݁ܡ ܟܣܦܐ ܐܝܬܘܗܝ ܠܘ ܗ݁ܘ ܕܐܝܬ ܠܗ ܟܣܦܐ܁ ܐܠܐ ܗ݁ܘ ܕܪܓܝܓ ܠܩܢܝܢܗ܁ ܠܡܦܪܢܣܢܐ ܓܝܪ ܟܝܣܐ ܡܠܝܠܐ ܩܪܝܢ ܠܗ܁܀

ܠܣܒ̈ ܐ ܐܦܝܣ ܕܢܠܒܟܘܢ ܚܡܬܗܘܢ܆ ܘܠܛܠܝ̈ ܐ ܕܢܙܟܘܢ ܟܪܣܗܘܢ܁ ܥܡ ܣܒ̈ ܐ ܓܝܪ ܚܫ̈ ܐ ܢܦܫ̈ ܢܐ ܡܬܟܬܫܝܢ܆ܘܥܡ ܛܠܝ̈ ܐ ܐܝܟ ܕܒܣܘܓܐܐ ܗܠܝܢ ܦܓܪ̈ ܢܐ܀܀

ܒܠܘܡ ܦܘܡܐ ܕܗܠܝܢ ܕܡܪܡܝܢ ܒܐܕ̈ ܢܝܟ ܥܠ ܚܒܪ̈ ܝܗܘܢ܁ ܘܠܐ ܬܬܕܡܪ ܐܢ ܡܨܚܝܢ ܠܟ ܣ̈ ܓܝܐܐ܁ ܗܢܐ ܓܝܪ ܢܣܝܢܐ ܕܝܕܘܥܬܢܐ ܐܝܬܘܗܝ ܡܢ ܕܝܘ̈ ܐ . ܕܠܐ ܨܒ݁ܝܢ ܕܗ݂ܘܐ ܡܚܪܪ ܡܢ ܣܢܐܬܐ ܘܐܟܬܐ ܓܒܪܐ ܓܡܝܪܐ ..

ܗ݁ܘ ܐܝܢܐ ܕܡܛܠ ܐܠܗܐ ܠܒ̈ ܢܝ ܐܢܫܐ ܡܐܣܐ܆ ܫܠܝܐܝܬ ܐܣܝܘܬܐ ܥܠ ܢܦܫܗ ܡܥܠ܁ ܣܡܐ ܓܝܪ ܕܡܩܪܒ ܝܕܘܥܬܢܐ ܠܚܒܪܗ ܐܝܟ ܟܡܐ ܕܡܫܟܚܐ ܡܐܣܐ . ܠܢܦܫܗ ܕܝܢ܂ ܐܠܨܐܝܬ ܟܠܗ݁܁

ܠܐ ܟܠܗܝܢ ܡ̈ ܠܐ ܕܡܟܢܢ ܠܘܬ ܦܠܐ̈ ܬܐ ܬܦܫܩ ܪܘܚܢܐܝܬ . ܐܠܐ ܐܝܠܝܢ ܕܡܘܬܪܢ ܠܗ ܠܫܪܒܐ܁ܐܢ ܓܝܪ ܗܕܐ ܠܐ ܬܥܒܕ܆ ܙܒܢܐ ܣܓܝܐܐ ܬܢܦܩ܇ ܟܕ ܡܫܬܥܝܬ ܥܠ ܐܠܦܗ ܕܝܘܢܢ܁ ܟܕ ܡܬܥܨܝܬ ܕܚܕ ܚܕ ܡܢ ܡܐ̈ ܢܐ ܕܐܠܦܐ݂ ܒܦܠܐ̈ ܬܐ ܬܣܒܝܗܝ܁ ܘܠܘ ܒܠܚܘܕ ܝܘܬܪܢܐ ܠܐ ܥܒ݁ܕ ܐܢܬ ܠܫܡ̈ ܘܥܝܟ܆ ܐܠܐ ܐܦ ܓܘܚܟܐ ܡܢܗܘܢ ܡܩܒܠ ܐܢܬ܁ ܕܟܠܗܘܢ ܗܠܝܢ ܕܫܡܥܝܢ ܡܘܕܥܝܢ ܠܟ ܡܐ̈ ܢܝܗ݁ ܕܝܠܗ݁ ܕܐܠܦܐ܁ ܘܒܓܘܚܟܐ ܣܓܝܐܐ ܗ݁ܘ ܐܝܢܐ ܕܛܥ݁ܐ ܠܡܨܥܬܐ ܡܝܬܝܢ܀

ܐܦܝܣ ܠܗ݁ܢܘܢ ܝܚ̈ ܝܕܝܐ ܕܐܬܝܢ ܨܐܕܝܟ܆ ܕܟܠ ܥܠ ܐܣܟܡܐ ܕܕܚܠܬ ܐܠܗܐ ܘܕܘܒܪ̈ ܐ ܕܡܝܬܪܘܬܐ ܢܡܠܠܘܢ ܥܡܟ܆ ܘܠܐ ܥܠ ܝܘܠܦܢܐ ܕܝܕܥ݂ܬܐ ܕܐܠܗܐ . ܒܪܡ ܐܠܐ ܐܢ ܐܫܬܟܚ ܐܢܫ ܕܐܦ ܥܠ ܗܕܐ ܟܡܐ ܕܗܘ ܢܐܡܪ ܡܫܟܚ

ܗܘܬ ܡܚܦܝܐ ܡܢ ܥ̈ ܠܡܝܐ ܘ̈ ܛܠܝܐ ܡܠܬܐ ܡܥܠܝܬܐ ܕܥܠ ܕܝܢܐ܆ ܡܛܘܠ ܕܕܠܝܠܐܝܬ ܡܘܠܕܐ ܪܦܝܘܬܐ܁ ܠܐ ܓܝܪ ܡܣܬܟܠܝܢ ܟܐܒܐ ܕܢܦܫܐ ܡܠܝܠܬܐ܇ ܕܡܣܡ ܒܪܫܐ ܡܩܒܠܐ ܠܐ ܝܕܥܬܐ

ܐ ܢ ܦܘܠܘܣ ܩܕܝܫܐ ܟܒܫ ܗܘܐ ܦܓܪܗ ܘܡܫܥܒܕ܆ ܠܐ ܬܗܡܐ ܐܢܬ ܡܢ ܕܘܒܪ̈ ܝܟ ܒܚ̈ ܝܝܟ܇ ܘܬܨܥܪܝܗ݁ ܠܠܐ ܚܫܘܫܘܬܐ ܕܡܡܟܟܬ ܠܗ݁ ܒܦܓܪܐ ܠܐ ܡܫܥܒܕܐ܀܀ -- ܠܐ ܬܐܨܦ ܥܠ ܣܝܒܪܬܐ ܐܘ ܥܠ ܬܟܣܝܬܐ܁

ܐܠܐ ܗܘܝܬ ܥܗܝܕ ܐܢܬ ܠܗ ܠܥܘܒܪ ܐܕܘܡ ܓܬܝܐ ܠܘܝܐ܇ ܗ݁ܘ ܕܩܒܠ ܩܐܒܘܬܗ ܕܡܪܝܐ܇ ܘܗ݂ܘܐ ܥܬܝܪܐ ܡܢ ܡܣܟܢܘܬܗ܆ ܘܫܒܝܚܐ ܡܢ ܫܝܛܘܬܗ܀܀

ܡܩܛܪܓܢܐ ܡܪܝܪܐ ܕܝܕܘܥܬܢܐ ܐܝܬܝܗ݁ ܬܐܪܬܗ . ܘܠܐ ܡܫܟܚ ܡܛܥܐ ܠܗ ܡܕܡ܆ ܡܛܠ ܕܐܦ ܟܣܝ̈ ܬܐ ܕܠܒܗ ܝܕܥܐ܀܀

ܐܣܬܟܠ ܕܠܡܐ ܬܣܒܪ ܕܚܕܐ ܗܝ ܥܠܬܐ ܕܟܠܗܝܢ ܗܠܝܢ ܕܗ̈ ܘܝ܁ ܐܠܐ ܣܓܝܐ̈ ܬܐ܁ ܘܐܝܟ ܡܫܘܚܬܐ ܕܕܘܒܪ̈ ܘܗܝ ܕܐܢܫ ܐܦ ܗܠܝܢ ܡܬܓܠܝܢ ܠܗ܁ ܐܦ ܓܝܪ ܗܠܝܢ ܚܝ̈ ܠܐ ܩܕܝܫ̈ ܐ ܒܣܓܝܐ̈ ܬܐ ܥ̈ ܠܠܬܐ ܡܦܣܝܢ܁ ܠܘ ܕܝܢ ܒܗܠܝܢ ܪ̈ ܝܫܝܬܐ ܕܠܡܫܝܚܐ ܒܠܚܘܕ ܝ̈ ܕܝܥܢ .

ܐܢ ܟܠ ܫܘܐܠܐ ܕܐܝܬ ܥܠ ܓܢܣ̈ ܐ ܡܫܚ̈ ܠܦܐ ܡܘܕܥ : ܐܘ ܥܠ ܐܕܫ̈ ܐ ܐܘ ܥܠ ܫܘܚ̈ ܠܦܐ܆ ܐܘ ܥܠ ܓܕܫ̈ ܐ ܐܘ ܥܠ ܗ݁ܘ ܕܡܢ ܗܠܝܢ ܡܪܟܒ܇ ܠܝܬ ܕܝܢ ܡܕܡ ܒܬܠܝܬܝܘܬܐ ܩܕܝܫܬܐ ܚܕܐ ܡܢ ܗܠܝܢ܆ ܡܕܝܢ܂ ܒܫܬܩܐ ܢܣܬܓܕ ܗ݁ܘ ܕܠܐ ܡܬܡܠܠ܀܀

ܢܣܝܘܢܐ ܕܝܕܘܥܬܢܐ ܐܝܬܘܗܝ݂ ܡܣܒܪܢܘܬܐ ܕܓܠܬܐ ܕܗܘܝܐ ܒܗܘܢܐ܁ ܕܨܒܘܬܐ ܕܐܝܬܝܗ܆ ܐܝܟ ܗ݁ܘ ܕܠܐܐܝܬܝܗ݁܁ ܘܕܗ݁ܝ ܕܠܐ ܐܝܬܝܗ݁ ܐܝܟ ܗܘ݁ ܕܐܝܬܝܗ݁܁ ܘܕܐܝܕܐ ܕܝܢ ܕܐܝܬܝܗ܇ ܠܘ ܕܝܢ ܐܝܟ ܕܐܝܬܝܗ݁܁ ܐܘ ܕܗܘܬ ܡܣܬܒܪܐ܀

ܚܛܝܬܐ ܕܝܕܘܬܢܐ ܐܝܬܝܗ݁ ܐܝܕܥܬܐ ܕܓܠܬܐ ܕܨܒ̈ ܘܬܐ ܐܘ ܕܣܘܟܠܗܝܢ܁ ܕܐܬܝܠܕܬ ܡܢ ܚܫܐ ܐܝܢܐ ܕܗ݂ܘ܁ ܐܘ ܕܠܘ ܡܛܠܬܗ݁ ܕܫܦܝܪܬܐ ܡܥܩܒܝܢ ܐܢܚܢܢ ܥܠܝܗܝܢ ܕܨܒ̈ ܘܬܐ܀

ܐܪ̈ ܒܥ ܡܝܬܪ̈ ܬܐ ܕܕܘܒܪ̈ ܐ ܘܕܚܙܬܐ ܫܒܝܚܬܐ܇ ܡܢ ܛܘܒܢܐ ܓܪܝܓܝ ܣ ܝܠܦܢܢ܁ ܕܐܝܬܝܗܝܢ܂ ܗܠܝܢ܁ ܣܟܘܠܬܢܘܬܐ ܘܚܝܠܬܢܘܬܐ܁ ܘܢܟܦܘܬܐ ܘܟܐܢܘܬܐ܁ ܘܥܒܕܐ ܕܣܟܘܠܬܢܘܬܐ ܐܝܬܘܗܝ܆ ܕܢܚܙܐ ܐܢܫ ܗܠܝܢ ܚܝ̈ ܠܐ ܝܕܘܥ̈ ܬܢܐ ܩ̈ ܕܝܫܐ܇ ܟܕ ܠܐ ܡܦܣ ܒܥ̈ ܠܠܬܗܘܢ . ܥ̈ ܠܠܬܐ ܓܝܪ ܡܢ ܚܟܡܬܐ ܗܝ ܕܐܠܗܐ ܕܡܬܓܠܝܢ ܐܫܠܡ ܠܢ . ܕܚܝܠܬܢܘܬܐ ܕܝܢ ܥܒܕܐ ܐܝܬܘܗܝ . ܡܚܡܣܢܢܘܬܐ ܕܠܘܬ ܫܪܝܪܬܐ܇ ܐܦ ܟܕ ܡܚܝܢ ܥܡܢ ܩܪܒܐ܁ ܘܕܠܐ ܗܘܝܢ ܒܨܝܢ ܚܢܢ ܠܗܢܝܢ ܕܠܐ ܐܝܬܝܗܝܢ܁ ܕܢܟܦܘܬܐ ܕܝܢ ܥܒܕܐ ܐܝܬܘܗܝ܆ ܕܢܩܒܠ ܙܪܥܐ ܕܡܢ ܐܟܪܐ ܪܫܝܐܐܙܕܪܥ ܒܢ܆ ܘܢܕܚ݂ܘܩ ܡܢܢ ܠܙܪܘܥܐ ܕܙܝ̈ ܙܢܐ܁ ܕܟܐܢܘܬܐ ܕܝܢ ܥܒܕܐ ܐܝܬܘܗܝ܆ ܕܠܟܠ ܐܢܫ ܐܝܟ ܕܫܘܐ ܬܦܠܓ ܘܬܬܠ܇ܐܢ ܡ̈ ܠܐ ܘܐܢ ܣܘܥܪ̈ ܢܐ܁ ܐܝܬ ܕܝܢ ܐܡܬܝ ܕܥܡܘܛܐܝܬ ܐܡܪܐ ܠܗܝܢ܆ ܘܒܐܘܚ̈ ܕܬܐ ܡܘܕܥܐ ܨܒܝܢܗ܆ ܘܐܝܬ ܟܕ ܓܠܝܐܝܬ ܐܡܪܐ ܡܠܬܗ݁ ܠܝܘܬܪܢܐ ܕܦܫܝ̈ ܛܐ

ܥܡܘܕܐ ܕܫܪܪܐ ܒܣܝܠܝܣ ܩܦܘܕܩܝܐ ܐܡ݁ܪ ܗܘܐ܁ ܕܝܕܥܬܐ ܕܡܢ ܒܢ̈ ܝܢܫܐ ܓܕܫܐ ܨܐܕܝܢ܆ ܡܢ ܗܓܝܢܐ ܐܡܝܢܐ ܘܡܢ ܗܪ ܓܐ ܬܟܝܒܐ ܡܬܚܝܠܐ . ܠܝܕܥܬܐ ܕܝܢ ܕܡܢ ܛܝܒܘܬܐ ܕܐܠܗܐ ܗܘܝܐ ܨܐܕܝܢ܆ ܟܐܢܘܬܐ ܡܢܛܪܐ܁ ܘܗ݁ܝ ܕܠܐ ܗ݂ܘܐ ܣ݁ܠܩ ܪܘܓܙܐ ܘܡܪܚܡܢܘܬܐ܁ ܘܠܗ݁ܝ ܝܕܥܬܐ ܕܒ̈ ܢܝ ܐܢܫܐ ܡܫܟܚܝܢ܂ ܐܦ ܐܝܠܝܢ ܕܬܚܝܬ ܚܫ̈ ܐ ܐܝܬܝܗܘܢ ܠܡܩܒܠܘ . ܕܝܕܥܬܐ ܕܝܢ ܕܐܠܗܐ ܡܩܒ̈ ܠܢܐ ܐܝܬܝܗܘܢ܁ ܗܠܝܢ ܕܡܥܠܝܢ ܡܢ ܚܫ̈ ܐ܁ ܗ݁ܢܘܢ ܕܒܙܒܢܐ ܕܨܠܘܬܐ ܚܙܝܢ ܨܡܚܐ ܕܢܘܗܪܐ ܕܗܘܢܗܘܢ ܕܕܢܝܚ ܥܠܝܗܘܢ܀

ܟܘܟܒܐ ܩܕܝܫܐ ܕܡܨܪܝܐ ܐܬܐܢܣ ܐܡܪ ܗܘܐ܁ ܕܐܢ ܡܘܫܐ ܐܬܦܩܕ ܕܦܬܘܪܐ ܡܢ ܓܒܐ ܕܓܪܒܝܐ ܢܣܝܡ܆ ܘ݁ܠܐ ܠܗܘܢ ܠܝܕܘܥ̈ ܬܢܐ ܕܢܣܬܟܠܘܢ܆ ܕܡܢܘ ܗܘ ܕܢܫܡ ܠܘܩܒܠܗܘܢ܁ ܘܚܝܠܬܢܐܝܬ ܟܠ ܢܣܝܘ̈ ܢܝܢ ܠܡܣܝܒܪܘ܆ ܘܒܨܒܝܢܐ ܛܒܐ ܠܗ݁ܢܘܢ ܕܐܬܝܢ ܨܐܕܝܢ ܢܬܪܣܐ܀܀

ܐܡܪ ܗܘܐ ܡܠܐܟܐ ܕܥܕܬܐ ܕܬܡܘܪ ܕܫܡܗ ܗܘܐ ܣܪܦܝܘܢ܁ ܕܗܘܢܐ ܕܡܠܝܐܝܬ ܐܫܬܝ ܝܕܥܬܐ ܪܘܚܢܝܬܐ݂ ܡ ܕܟܐ܁ ܚܘܒܐ ܕܝܢ܂ ܬܙܝܙܘܬܐ ܕܡܢ̈ ܘܬܐ ܕܚܡܬܐ ܡܐܣܐ܁ ܪܕܝܐ ܕܝܢ ܕܪ̈ ܓܝܓܬܐ ܒܝܫ̈ ܬܐ܆ ܟܠܝܐ ܥܢܘܝܘܬܐ܀܀

ܒܡ̈ ܠܐ ܕܥܠ ܒܛܝܠܘܬܐ ܕܐܠܗܐ ܘܕܝܢܐ܁ ܒܝܬ ܠܟ ܘܠܢܦܫܟ ܐܬܗܓܐ ܠܡ ܐܡܪ ܗܘܐ܇ ܗ݁ܘ ܪܒܐ ܘ o ܝܕܘܥܬܢܐ ܘܡܠܦܢܐ ܕܝܕܡܘܣ܁ ܘܗܢܝܢ ܗܠܝܢ ܐܬܚܦܛ ܕܬܩܒܘܥ ܐܢܝܢ ܒܥܘܗܕܢܟ܁ ܟܠܗܘܢ ܓܪ ܒܢ̈ ܝ ܐܢܫܐ ܐܝܟ ܕܒܣܘܓܐܐ ܒܗܠܝܢ ܡܬܬܩܠܝܢ܁ ܘܡ̈ ܠܐ ܕܥ݂ܠ ܕܝܢܐ݂ ܡܫܟܚܬ ܠܗܝܢ ܒܫ̈ ܘܚܠܦܐ ܕܓܘ̈ ܫܡܐ ܘܕܥܠܡܐ܁ ܒܛܝܠܘܬܐ ܕܝܢ ܕܐܠܗܐ ܡܣܬܟܠܬ݂ ܡܢ ܗܠܝܢ ܐ̈ ܣܟܡܐ ܕܡܢ ܒܝܫ̈ ܬܐ ܠܡܝܬܪܘܬܐ ܕܝܕܥܬܐ ܡܦܢܝܢ ܠܢ܀

ܢܝܫܐ ܕܕܘܒܪ̈ ܐ ܛܒ̈ ܐ ܕܢܕܟܘܢ ܗܘܢܐ܆ ܘܢܥܒܕܘܢܝܗܝ ܠܐ ܡܩܒܠܢܐ ܕܚ̈ ܫܐ܁ ܢܝܫܐ ܕܝܢ ܕܝܕܥܬܐ ܕܟܝܢܐ܆ ܕܬܚܘܐ ܫܪܪܐ ܕܛܡܝܪ ܒܨ̈ ܒܘܬܐ܂ ܕܢܦܪܩ ܕܝܢ ܗܘܢܗ ܡܢ ܟܠܗܝܢ ܐܪ̈ ܥܢܝܬܐ܆ ܘܢܦܢܝܘܗܝ ܠܘܬ ܗ݁ܝ ܥܠܬܐ ܪܝܫܝܬܐ ܕܟܠ܆ -- ܡܘܗܒܬܐ ܗ݁ܝ ܕܚܙܬܐ ܕܐܠܗܐ .

ܐܬܚܦܛ ܠܡܨܪ ܨܠܡܟ ܠܘܩܒܠ ܕܡܘܬܐ ܩܕܡܝܬܐ ܘܪܫܝܬܐ܁ ܘܠܐ ܬܗܡܐ ܡܢ ܝܘܬܪܢܟ܆ ܟܕ ܡܬܬܓܪ ܐܢܬ ܒܟܠܗܝܢ ܕܦܓܥܢ ܒܟ܀ ܫܠܡ ܡܐܡܪܐ ܩܕܡܝܐ ܕܡܪܬܝܢܘܬܐ ܕܡܪܝ ܐܘܓܪܝܣ ܩܕܝܫܐ ܕܠܘܬ ܝܚܝ̈ ܕܝܐ ܕܒܡܕܒܪܐ ܀ܕܡܨܪܝܢ܀