title
ti
ܬܘܒ ܡܠܦܢܘܬܐ ܕܠܗ ܟܕ ܕܝܠܗ܆ ܕܠܘܬ ܐܚ̈ܐ ܝܚ̈ܝܕܝܐ ܕܒܡܕܒܪܐ:܀ ܡܐܡܪܐ ...ܡܐ:
chapter
1
1
ܟܪܣܛܝܢܘܬܐ ܐܝܬܝܗ̇܆ ܝܘܠܦܢܗ ܕܡܫܝܚܐ ܡܚܝܢܢ. ܕܡܬܩ̇ܝܡ ܡܢ ܥ̇ܒ̈ܕܐ ܕܡܝܬܪܘܬܐ: ܘܡܢ ܝܕܥܬܐ ܕܟ̈ܝܢܐ܆ ܘܡܢ ܗܝܡܢܘܬܐ ܫܪܝܪܬܐ ܕܙܕܩܐ ܠܐܠܗܐ
chapter
2
2
ܡܠܟܘܬܐ ܕܫܡܝܐ ܐܝܬܝܗ̇. ܠܐ ܚܫܘܫܘܬܐ ܕܢܦܫܐ܆ ܥܡ ܝܕܥܬܐ ܕܫܪܪܐ ܕܗܠܝܢ ܕܐܝܬܝܗܝܢ
chapter
3
3
ܡܠܟܘܬܐ ܕܐܠܗܐ ܐܝܬܝܗ̇܆ ܐܝܕܥܬܐ ܕܬܠܝܬܝܘܬܐ ܡܫܒܚܬܐ. ܕ̇ܡܬܕܪܟܐ ܐܝܟ ܚܝܠܗ ܕܡܕܥܐ. ܡܛܠ ܕܡܥܠܝܐ ܗܝ ܡܢ ܠܐ ܡܬܚܒܠܢܘܬܗ
chapter
4
4
ܗ̇ܘ ܡܕܡ ܕܪܚ̇ܡ ܐܢܫ܆ ܠܗ ܗܘ ܪܐ̇ܓ. ܘܗ̇ܘ ܡܕܡ ܕܪܐ̇ܓ܆ ܐܦ ܕܒܥ̇ܒܕܐ ܢܗܘܐ ܠܗ ܡܬ̇ܟܬܫ. ܟܠ ܓܝܪ ܢܝܚܐ ܕܐܝܬ܆ ܫܘܪܝܐ ܡܢ ܪܓܬܐ ܐܝܬ ܠܗ. ܠܪܓܬܐ ܕܝܢ ܡ̇ܘܠܕܐ ܪܓܫܬܐ. ܐܝܢܐ ܕܝܢ ܕܓܠܝܙ ܡܢ ܪܓܫܬܐ܆ ܐܦ ܡܢ ܚܫ̈ܐ ܡܚܪܪ ܗܘ
chapter
5
5
ܥܡ ܝܚ̈ܝܕܝܐ܆ ܕܝ̈ܘܐ ܝܚܝܕܐܝܬ ܕܠܐ ܡܕܡ ܡܨܥܝܐ ܡܬ̇ܟܬܫܝܢ. ܠܐ̇ܝܠܝܢ ܕܝܢ ܕܒܟܢܘܫܝܐ ܕܓܘܐ: ܕܘܒܪ̈ܐ ܓܡ̇ܪܝܢ ܕܡܝܬܪܘܬܐ܆ ܠܐ̈ܚܐ ܪ̈ܦܝܐ ܡܙܝܥܝܢ ܥܠܝܗܘܢ. ܣ̇ܓܝ ܕܝܢ ܦܫܝܚ ܗܢܐ ܩܪܒܐ ܕܬܪ̈ܝܢ܇ ܡܢ ܗ̇ܘ݂ ܩܕܡܝܐ. ܡܛܠ ܕܠܐ ܡܫܟܚܐ ܕܢܫܟܚ ܥܠ ܐܪܥܐ ܒܢܝܢ̈ܫܐ ܕܡܪܝܪܝܢ ܡܢ ܕܝ̈ܘܐ. ܐܘ ܕܡܠܝܐܝܬ ܟܠܗ̇ ܨܢܝܥܘܬܗܘܢ ܢܩܒܠܘܢ
chapter
6
6
ܬܡܢܝܐ ܕܝܢ ܓ̈ܢܣܐ ܕܚܘܫ̈ܒܐ ܒܝ݂̈ܫܐ ܐܝܬܝܗܘܢ. ܕܒܗܘܢ ܡܬܚ̇ܫܒ ܟܠ ܚܘܫܒܐ ܕܚܫ̈ܐ܀ ܩܕܡܝܐ ܕܠܥܒܘܬܐ. ܕܬܪ̈ܝ݂ܢ ܕܙܢܝܘܬܐ. ܕܬܠܬܐ݂ ܕܪܚ݂ܡܬ̇ ܟܣܦܐ. ܕܐܪܒܥܐ݂ ܕܥܩܬܐ. ܕܚܡܫܐ݂ ܕܪܘܓܙܐ. ܕܫܬܐ݂ ܕܡܐܝܢܘܬܐ. ܕܫܒܥܐ݂ ܕܫܘܒܚܐ ܣܪܝܩܐ. ܕܬܡܢܝܐ݂ ܕܪܡܘܬܐ. ܗܠܝܢ ܟܠܗܘܢ ܕܢܗܡܣܘܢ ܒܢܦܫܐ ܐܘ ܕܠܐ ܢܗܡܣܘܢ. ܠܘ ܕܝܠܢ ܗܝ. ܕܢܓ̇ܪܘܢ ܕܝܢ ܐ̇ܘ ܕܠܐ ܢܓ̇ܪܘܢ: ܐܘ ܕܢܙܝܥ݂ܘܢ ܚܫ̈ܐ ܐܘ ܕܠܐ ܢܙܝ݂ܥܘܢ ܕܝܠܢ
title
head 1
ܕܥܠ ܗܠܝܢ ܬܡܢܝܐ ܚܘܫ̈ܒܐ:
chapter
7
7
ܚܘܫܒܐ ܕܠܥܒܘܬܐ܆ ܡܦܘܠܬܐ ܩܠܝܠܬܐ ܡܢ ܥܢܘܝܘܬܐ ܠܝܚܝܕܝܐ ܡ̇ܪܡ݂ܐ ܟܕ ܨ̇ܐܪ ܩܕܡ ܥܝ̈ܢܘܗܝ܆ ܟܐܒܐ ܕܐܣܛܘܡܟܐ ܘܕܟܒܕܐ܆ ܘܕܛܚܠܐ ܘܕܟ̇ܢܫ ܡܝ̈ܐ. ܘܕܟܘܪ̈ܗܢܐ ܢܓܝܪ̈ܐ ܘܕܓܠܝܙܘܬܐ ܕܐܣܝܐ݂ ܘܕܗܠܝܢ ܕܚܫ̈ܚܢ. ܡ̇ܝܬܐ ܠܗ ܕܝܢ ܙܒ̈ܢܬܐ ܣܓܝܐ̈ܬܐ܆ ܐܦ ܥܘܗܕܢܐ ܕܐ̈ܚܐ ܕܢܦ݂ܠܘ ܒܗܠܝܢ ܟܘܪ̈ܗܢܐ. ܐܝܬ ܕܝܢ ܐܡܬܝ܇ ܕܐܦ ܠܗܘܢ ܠܗ̇ܠܝܢ ܕܗܠܝܢ ܓ݂ܕܫ ܐܢܘܢ܆ ܥܒ̇ܕ ܕܢܐܬܘܢ ܠܘܬ ܗܠܝܢ ܥ̈ܢܘܝܐ: ܕܢܫܬ̇ܥܘܢ ܠܗܘܢ ܚܫ̈ܝܗܘܢ: ܐܝܟ ܗ̇ܘ݂ ܕܡܢ ܥܢܘܝܘܬܐ ܗܠܝܢ ܓ݂ܕܫ ܐܢܘܢ
chapter
8
8
ܚܘܫܒܐ ܓܝܪ ܕܙܢܝܘܬܐ܆ ܥܪܨܐ ܕܦܓܪ̈ܐ ܡܫ̈ܚܠܦܐ ܢ̇ܪܓ ܘܝܬܝܪ ܥܙܝܙܐܝܬ ܩܐ̇ܡ ܥܠ ܥ̈ܢܘܝܐ܆ ܕܐܝܟ ܗܘ ܕܠܐ ܡܫܟܚܝܢ ܡܕܡ ܠܡܓܡܪ܆ ܢܦܫܚܘܢ ܡܢ ܥܡ̈ܠܝܗܘܢ. ܕܡܐ ܕܛܡܐܘܗ̇ ܠܢܦܫܐ܆ ܟܐ̇ܦ ܠܗ̇ ܠܘܬ ܥܒ̇ܕܐ ܕܨܚܝܘܬܐ܆ ܘܡܥܒܕ ܠܗ̇ ܕܬܐܡܪ ܡ̈ܠܐ ܘܕܬܫܡ̇ܥ܆ ܐܝܟ ܕܩ̇ܪܝܒ ܘܡܬܚܙܐ܆ ܗܘ݂ ܣܘܥܪܢܐ
chapter
9
9
ܪܚܡܬ ܟܣܦܐ݂ ܣܝܒܘܬܐ ܢܓܝܪܬܐ ܡ̇ܪܡܝܐ܆ ܥܡ ܡܚܝܠܘܬܐ ܕܐ̈ܝܕܝܐ ܕܠܘܬ ܥ̇ܒܕܐ܆ ܘܟ̈ܦܢܐ ܕܗ̇ܘܝ݂ܢ ܘܟܘܪ̈ܗܢܐ ܕܓܕܫܝܢ. ܘܡܪܪܐ ܕܡܣܟܢܘܬܐ. ܘܐܝܟ ܗܘ ܕܚܣܕܐ ܗܘ ܕܢ݂ܣܒ ܐܢܫ ܡܢ ܐܚܪ̈ܢܐ܇ ܡܕܡ ܕܚ̇ܫܚ ܠܗ
chapter
10
10
ܥܩܬܐ܆ ܐܝܬܝܗ̇ ܐܡܬܝ ܕܓܕܫܐ݂ ܒܝܕ ܓܠܝܙܘܬܐ ܕܪ̈ܓܝܓܬܐ ܒܙܒܢ ܕܝܢ ܐܦ ܠܪܘܓܙܐ݂ ܢܩ̇ܦܐ. ܒܓܠܝܙܘܬܐ ܕܝܢ ܕܪ̈ܓܝܓܬܐ݂ ܗܟܢܐ ܓ̇ܕܫܐ ܚܘܫ̈ܒܐ ܡ̇ܩܕܡܝܢ ܡ̇ܝܬܝܢ ܠܗ̇ ܠܢܦܫܐ ܥ̇ܘܗܕܢܐ ܕܒܝܬܐ ܘܕܓܢܣܐ ܘܗܘܦܟܐ ܕܥܘܡܪܐ ... ... ܩܝܡܐ ܠܘܩܒܠܗܘܢ. ܐܠܐ ܚ̇ܙܝܢ ܠܗ̇ ܕܐ̇ܙܠܐ ܒܬܪܗܘܢ: ܘܡܬܐܫܕܐ ܒܪ̈ܓܝܓܬܐ ܕܬܪܥܝܬܗ̇܆ ܗ̇ܝ ܕܝܢ ܫ̇ܩܠܝܢ ܠܗ̇ ܘܒܥܩܬܐ ܡܛܒܥܝܢ ܠܗ̇. ܐܝܟ ܗ̇ܘ ܕܠܐ ܐܝܬܝܗܝܢ ܨ̈ܒܘܬܐ ܩܕܡ̈ܝܬܐ܆ ܘܠܐ ܕܢܗ̈ܘܝܢ ܡ̈ܫܟܚܢ܇ ܡܛܠ ܐܣܟܡܐ ܕܥܘܡܪܐ ܗܢܐ. ܘܢܦܫܐ ܕܘܝܬܐ ܐܟܡܐ ܕܐܬܫܕܬ ܒܚܕܘܬܐ ܕܚܘܫ̈ܒܐ ܗܠܝܢ ܩ̈ܕܡܝܐ܆ ܗ̰ܟܢܐ ܐܦ ܒܗܠܝܢ ܬܟܬܘܫ̈ܐ ܬܚܒܐ ܘܡܬܡ̇ܟܟܐ
chapter
11
11
ܪܘܓܙܐ ܚܫܐ ܐܝܬܘܗܝ ܚܪܝܦܐ. ܪܬܚܐ ܓܝܪ ܡܬܐܡܪ ܕܚܡܬܐ܆ ܘܙܘܥܐ ܕܠܘܩܒܠ ܗ̇ܘ ܕܐܟܝܗ܇ ܐܘ ܡܣ݂ܬܒܪ ܕܐܟܝܗ. ܗ̇ܘ ܕܟܠܗ ܝܘܡܐ ܡ̇ܩܫܐ ܠܗ̇ ܠܢܦܫܐ̇ ܘܥܒ̇ܕ ܠܗ̇ ܒܥܪܝܪܝܬܐ. ܘܝܬܝܪܐܝܬ݂ ܒܥܕܢܐ ܕܨܠܘܬܐ ܚ̇ܛܦ ܠܗ ܠܗܘܢܐ܇ ܐܝܟ ܗ̇ܘ ܕܡܩ݂ܝܡ ܩܕܡܘܗܝ ܦܪܨܘܦܐ ܕܗ̇ܘ ܕܡܥܝܩܗ. ܐܝܬ ܕܝܢ ܐܡܬܝ܆ ܕܡܓܪ ܘܡܗܦܟ ܠܗ ܠܐܟ݂ܬܐ܆ ܘܡ̇ܝܬܐ ܥܠܘܗܝ ܫܓܘܫ̈ܝܐ ܒܠܠܝܐ ܘܡ̇ܕܝܒ ܦܓܪܗ ܘܡ̇ܣܢܐ ܓܘܢܗ. ܘܡ̇ܪܡܐ ܠܗ݂ ܡܚܘܬܐ ܫ݂ܪܝܬ ܡ݂ܪܬܐ. ܗܠܝܢ ܕܝܢ ܐܪ̈ܒܥ ܕܡܢ ܒܬܪ ܐܟܬܐ ܓܕܫ̈ܢ܆ ܡܫܟܚ ܕܝܢ ܐܢܫ ܕܢܩ̈ܝܦܢ ܠܚܘܫ̈ܒܐ ܣ̈ܓܝܐܐ
chapter
12
12
ܕܝܘܐ ܕܡܐܝܢܘܬܐ ܗ̇ܘ ܕܐܦ ܛܗܪܝܐ ܡܬ݂ܩܪܐ܆ ܡܢ ܟܠܗܘܢ ܕܝ݂̈ܘܐ ܩܫ݂ܐ. ܩ̇ܐܡ ܕܝܢ ܥܠܘܗܝ ܕܝܚܝܕܝܐ ܡܢ ܥܕܢ ܐܪ̈ܒܥ ܫ̈ܥܝܢ܆ ܘܚ̇ܕܪ ܠܗ̇ ܠܢܦܫܗ݂ ܥܕܡܐ ܠܬܡܢܐ ܫ̈ܥܝܢ. ܘܠܘܩܕܡ ܡ̇ܚܘܐ ܠܗ܆ ܕܫܡܫܐ݂ ܐܘ ܠܐ ܡܬܬܙܝܥ ܡܢ ܕܘܟܬܗ܆ ܐܘ ܠܡܚܣܢ ܡܬܬܙܝܥ. ܘܕܚܡܫܝܢ ܫ̈ܥܝܢ ܐܝܬܘܗܝ ܝܘܡܐ ܡ̇ܚܘܐ ܠܗ. ܘܥܒ̇ܕ ܠܗ ܕܟܠܫܥ ܗܘ݂ܐ ܚ̇ܐܪ ܒܟ̈ܘܐ. ܘܥ̇ܨܐ ܠܗ ܕܐܦ ܡܢ ܩܠܝܬܗ ܢܦܘܩ܆ ܘܥ̈ܝܢܘܗܝ ܒܫܡܫܐ ܢܨ̇ܕ. ܘܕܟܡܐ ܡܢ ܬܫܥ ܫ̈ܥܝܢ ܦܪ̈ܝܩ ܢܬܒ̇ܩܐ ܒܗ. ܘܕܢܚܘܪ ܠܟܐ ܘܠܟܐ ܕܠܡ̇ܐ ܐܢܫ ܡܢ ܐ̈ܚܐ ܐܬ̇ܐ. ܬܘܒ ܕܝ݂ܢ ܪܡ̇ܐ ܠܗ ܣܢܐܬܐ ܕܠܘܬ ܕܘܟܬܐ. ܘܠܘܬ ܥܘܡܪܐ ܘܠܘܬ ܥܒ̇ܕܐ݂ ܕܐܝ̈ܕܝܐ܇ ܘܕܓܡ݂ܪ ܠܗ ܚܘܒܐ ܡܢ ܨܝܕ ܐ̈ܚܐ݂ ܘܠܝܬ ܡܒܝܐܢܐ. ܐܢ ܕܝܢ ܢܣܬܩܒܠ ܒܗܘܢ ܒܗܠܝܢ ܝܘܡ̈ܬܐ: ܕܐܥܝܩܗ ܐܚܐ ܠܝܚܝܕܝܐ܆ ܐܦ ܗܝ݂ ܗܕܐ ܕܝܘܐ݂ ܬܘܣܦܬܐ ܕܣܢܐܬܐ ܥܒ̇ܕ ܠܗ. ܡ̇ܝܬܐ ܠܗ ܕܝܢ ܠܪܓܬܐ ܕܕܘܟ̈ܝܬܐ ܐܚܪ̈ܢܝܬܐ܆ ܕܒܗܝܢ ܕܠܝܠܐܝܬ ܚܫܚܬܗ ܡܡܠܠܐ. ܘܕܢܦܠܘܚ ܒܐܘܡܢܘܬܐ ܕܕܠܝ݂ܠܐ݂ ܘܢ̇ܦܩܐ ܡ̇ܢ ܗܕܐ. ܘܕܠܘ ܒܕܘܟܬܐ ܫ̇ܦܪ ܐܢܫ ܠܐܠܗܐ ܡ̇ܚܘܐ ܠܗ. ܒܟܠ ܕܘܟ ܠܡ ܓܝܪ ܡܣܬܓܕ ܐܠܗܐ. ܡ̇ܩܦ ܕܝܢ ܠܗܠܝܢ܆ ܐܦ ܥܘܗܕܢܐ ܕܚܒ̈ܝܒܘܗܝ ܘܕܗ̈ܘܦܟܘܗܝ ܩܕܡ̈ܝܐ. ܟܕ ܪܫ̇ܡ ܩܕܡ ܥ̈ܝܢܘܗܝ܆ ܚ̈ܝܐ ܢܓܝܪ̈ܐ݂ ܘܥܡ̈ܠܐ ܕܥܢܘܝܘܬܐ. ܘܟܠ ܦܘܪ̈ܣܝܢ ܡܙܝܥ ܥܠܘܗܝ ܕܝܚܝܕܝܐ܆ ܕܢܪܦ݂ܐ ܩܠܝܬܗ. ܘܢ̇ܫܢܐ ܡܢ ܐܓܘܢܗ. ܠܗܢܐ ܕܝܢ ܕܝܘܐ܆ ܒܪܫܥܬܗ ܕܝܘܐ ܐܚܪܢܐ݂ ܠܐ ܢܩ̇ܦ. ܢܘܚܐ ܕܝܢ ܕܡܠ݂ܐ ܫܝܢܐ݂ ܘܚܕܘܬܐ ܕܠܐ ܡܬܡܠܠܐ܇ ܒܬܪ ܗܢܐ ܐܓܘܢܐ ܡ̇ܩܒܠ ܠܗ̇ ܠܢܦܫܐ
chapter
13
13
ܚܘܫܒܐ ܕܫܘܒܚܐ ܣܪܝܩܐ܆ ܩܛܝܢܐ ܐܝܬܘܗܝ. ܘܩ̇ܐܡ ܕܠܝ݂ܠܐܝܬ ܥܠ ܗܠܝܢ ܕܡܬܓܡܪܝܢ܆ ܕܢܝܬܘܢ ܠܡܨܥܬܐ ܐ̈ܓܘܢܝܗܘܢ ܕܢܨܘܕܘܢ ܫܘܒܚܐ ܡܢ ܒ̈ܢܝ ܐܢܫܐ. ܟܕ ܓܒ̇ܠ ܩܕܡ ܥ̈ܝܢܝܗܘܢ. ܕܝ̈ܘܐ ܕܡ̇ܝܠܝܢ ܡܢܗܘܢ. ܘܐܢܫܐ ܕܡܬܐܣܝܢ܆ ܘܥܡܐ ܣܓܝܐܐ ܕܚ̇ܒܨ ܕܢܩܪܘܒ ܠܡܐ̈ܢܘܗܝ. ܡܬܢܒܐ ܠܗ ܕܝ݂ܢ ܐܦ ܟܗܢܘܬܐ. ܘܡܩܝ݂ܡ ܥܠ ܬܪܥܗ ܠܗܠܝܢ ܕܒ̇ܥܝܢ ܠܗ. ܘܐܝܟ ܗ̇ܘ ܕܐܢ ܠܐ ܡܬܛܦܝܣ݂ ܒܦܟܪܐ ܪܡܐ ܠܗ. ܘܗܟܢܐ ܡܐ ܕܬܠܐ ܒܣܒܪܐ ܣܦܝܩܐ܆ ܡܫ̇ܢܐ ܡܢ ܨܐܕܘܗܝ܆ ܟܕ ܡ݂ܪܦܐ ܠܗ ܠܕܝܘܐ ܕܪܡܘܬܐ ܕܢܢܣܝܘܗܝ. ܐܘ ܠܕܝܘܐ ܕܥܩܬܐ܇ ܗ̇ܘ ܕܡ̇ܝܬܐ ܥܠܘܗܝ ܚܘܫ̈ܒܐ ܕܣܩ̈ܘܒܠܐ ܐܢܘܢ ܕܗ̇ܘ ܣܒ݂ܪܗ ܩܕܡܝܐ. ܐܝܬ ܕܝܢ ܐܡܬܝ݂ ܕܐܦ ܠܕܝܘܐ ܕܙܢܝܘܬܐ ܡ̇ܫ݂ܠܡ ܠܗ: ܠܗ̇ܘ ܕܡܢ ܩܕܡ ܩܠܝܠ ܩܕܝܫܐ ܗܘܐ܇ ܘܒܩܛܝܪܐ ܠܟܗܢܘܬܐ ܕܒܝܪ ܗܘܐ
chapter
14
14
ܕܝܘܐ ܕܪܡܘܬܐ܆ ܡܦܘܠܬܐ ܩܫܝܬܐ ܗ̇ܘܐ ܥ݂ܠܬܐ ܠܢܦܫܐ. ܡܦ݂ܝܣ ܠܗ̇ ܓܝܪ݂ ܕܠܐ ܬ̇ܘܕܐ ܕܐܠܗܐ ܗ݂ܘܐ ܠܗ̇ ܡܥܕܪܢܐ. ܐܠܐ ܗܝ݂ ܗ݂ܘܬ ܥܠ݂ܬܐ ܠܢܦܫܗ̇ ܠܓܡܝܪܘܬܐ. ܘܕܬܬܪܝܡ ܥܠ ܐ̈ܚܐ ܐܝܟ ܕܥܠ ܣ̈ܟܠܐ܆ ܕܠ݂ܐ ܟܠܗܘܢ ܗܕܐ ܡ̇ܦܣܝܢ. ܢܩ̇ܝܦ ܠܗ̇ ܕܝܢ ܠܗܕܐ܆ ܪܘܓܙܐ ܘܥܩܬܐ. ܘܒܝܫܬܐ ܐܚܪܬܐ݂ ܡܛܘܫܬܐ ܕܡܕܥܐ ܘܫܢܝܘܬܐ. ܘܟܢ݂ܫܐ ܕܕܝ̈ܘܐ ܕܡܬܚܙܝܢ ܒܐܐܪ
title
head 2
ܬܘܒ ܕܥܠ ܗܠܝܢ ܬܡܢܝܐ ܚܘܫ̈ܒܝܢ ܕܐܘܓܪܝܣ
chapter
15
15
ܡܕܥܐ ܕܛ̇ܥܐ ܡ̇ܬܟܢܫ܆ ܡܢ ܩܪܝܢܐ ܘܡܢ ܫܗܪܐ ܘܨܠܘܬܐ. ܘܪܓܬܐ ܬܘܒ ܕܡܫܬܠܗܒܐ܆ ܡ̇ܚܡܐ ܠܗ̇ ܟܦܢܐ ܘܥܡܠܐ݂ ܘܫܘܢܝܐ. ܦܩܪܘܬܐ ܕܝܢ ܕܪܘܓܙܐ܆ ܡܢܝܚ ܙܘܡܪܐ ܘܡ݂ܓܪܬ̇ ܪܘܚܐ݂ ܘܡܪܚܡܢܘܬܐ. ܗܠܝܢ ܐܡܬܝ ܕܒܙܒ̈ܢܝܗܝܢ ܕܝܢ ܘܒܟ̈ܝܠܝܗܝܢ ܢܗ̈ܘܝܢ. ܐܝܠܝܢ ܓܝܪ ܕܕܠܐ ܟܝܠܐ ܐ̈ܢܝܢ: ܘܕܙܥܘܪܘܬ ܙܒܢܐ ܐܝܬܝܗܝܢ܆ ܡ̈ܣܓܦܢܝܬܐ ܘܠܐ ܡܘܬܪ̈ܢܝܬܐ ܐ̈ܢܝܢ
chapter
16
16
ܐܡܬܝ ܕܝܢ ܕܠܣܝܒܪ̈ܬܐ ܡܫ̈ܚܠܦܬܐ ܡܬܪܓܪܓܐ ܢܦܫܢ܆ ܗܝܕܝܢ ܒܠܚܡܐ ܘܒܡ̈ܝܐ ܬܬܐܠܨ܆ ܕܐܦ ܥܠ ܠܚܡܐ ܫܚܝܡܐ ܬ̇ܘܕܐ. ܣ݂ܒܥܐ ܓܝ݂ܪ ܪܐ̇ܓ ܡܐ̈ܟܠܬܐ ܡܫ̈ܚܠܦܬܐ. ܟܦܢܐ ܕܝܢ ܠܣܒܥܘܬܗ ܕܠܚܡܐ݂ ܛܘܒܬܢܘܬܐ ܚܫ̇ܒ
chapter
17
17
ܣ̇ܓܝ ܡܥܕܪܐ ܠܗ̇ ܠܢܟܦܘܬܐ ܓܠܝܙܘܬܐ ܕܡܢ ܡ̈ܝܐ. ܘܢܦܝܣܘܢܟ ܒ̈ܢܝ ܐܝܣܪܝܠ ܗ̇ܢܘܢ ܕܐܝܬ ܗܘܘ ܥܡ ܓܕܥܘܢ܇ ܬܠܬܡܐܐ ܕܟܒܫܘܗ̇ ܠܡܕܝܢ
chapter
18
18
ܐܟܙܢܐ ܕܠܐ ܡܫܟܚܐ ܕܚ̈ܝܐ ܘܡܘܬܐ ܐܟܚܕܐ ܢܓܕܫܘܢ ܒܗ ܒܒܪܢܫܐ܆ ܗܟܢܐ ܠܐ ܡܫܟܚܐ ܕܚܘܒܐ ܘܡ̈ܥܐ܇ ܐܟܚܕܐ ܢܫܬܟܚܘܢ ܨܝܕ ܒܪܢܫܐ. ܡܛܠܩܢܐ ܗܘ ܓܝܪ ܚܘܒܐ. ܠܘ ܕܡ̈ܥܐ ܒܠܚܘܕ. ܐܠܐ ܐܦ ܕܚ̈ܝܐ. ܗܠܝܢ ܙܥܘܪ̈ܐ
chapter
19
19
ܗ̇ܘ ܐܝܢܐ ܕܥ̇ܪܩ ܡܢ ܪ̈ܓܝܓܬܗ ܕܝܢ ܕܥܠܡܐ܆ ܡܓܕܠܐ ܗܘ ܚܣܝܢܐ܆ ܕܠܐ ܡܬܩ̇ܪܒ ܠܗ ܕܝܘܐ ܕܥܩܬܐ. ܥܩܬܐ ܓܝܪ ܐܝܬܝܗ̇܆ ܓܠܝܙܘܬܐ ܕܢܝ̈ܚܐ. ܐܘ ܕܩܪܝܒ ܐܘ ܕܥܬܝܕ. ܠܐ ܓܝܪ ܡܫܟܚܐ ܕܢܛܪܕܝܘܗܝ ܠܒܥܠܕܒܒܐ ܗܢܐ܇ ܐܡܬܝ ܕܚܫܐ ܨܝܕ ܚܕܐ ܡܢ ܗܠܝܢ ܐܪ̈ܥܢܝܬܐ ܐܝܬ ܠܢ. ܬܡܢ ܓܝܪ ܛܡ̇ܪ ܦܚ̈ܐ ܘܥܒ̇ܕ ܠܢ ܥܩܬܐ݂܆ ܐܝܟܐ ܕܚ̇ܙܐ ܠܢ ܕܢ̇ܬܝܦܝ݂ܢܢ
chapter
20
20
ܪܘܓܙܐ ܘܣܢܐܬܐ ܡܪܒܝܢ ܚܡܬܐ. ܡܪܚܡܢܘܬܐ ܕܝܢ ܘܒܣ݂ܝܡܘܬܐ܆ ܐܦ ܡܢ ܗ̇ܝ ܕܐܝܬܝܗ̇ ܒܨܪ̈ܢ
chapter
21
21
ܫܡܫܐ݂ ܠܐ ܢ݂ܥܪܒ ܥܠ ܪܘܓܙܟܘܢ. ܕܠܐ ܒܠܠܝܐ ܢܐܬܘܢ ܕܝ̈ܘܐ ܘܢܕܠܚܘܢܗ̇ ܠܢܦܫܟܘܢ܇ ܘܢܣܪܕܘܢܝܗܝ ܠܪܥܝܢܟܘܢ܆ ܘܠܝܘܡܐ ܚܪܢܐ܆ ܚܠܝܨܐܝܬ ܢܩܪܘܒ ܠܩܪܒܗ. ܕܡ݂̈ܘܬܐ ܓܝܪ ܕܚ̈ܝܠܬܐ܆ ܡܢ ܫܓܘܫܝܐ ܕܚܡܬܐ ܡ̈ܟܢܢ ܕܢܗ̈ܘܝܢ. ܠܐ ܓܝܪ ܐܝܬ ܡܕܡ ܕܥܒ̇ܕ ܠܗܘܢܢ ܕܢܫܢܐ ܡܢ ܛܟܣܗ: ܐܝܟ ܚܡܬܐ ܡܐ ܕܡܫܬܓܫܐ
chapter
22
22
ܐܡܬܝ ܕܝܢ ܕܡܢ ܥܠ݂ܬܐ ܙܥܘܪܬܐ: ܡܢ̇ܬܐ ܕܚܡܬܐ ܕܢܦܫܐ ܬܫܬ݂ܓܫ܆ ܗܝܕܝܢ ܐܦ ܕܝ̈ܘܐ ܡ̇ܪܡܝܢ ܠܢ܇ ܕܦܩܚܐ ܠܡܫ̇ܢܝܘ ܡܢ ܗܪܟܐ. ܕܠܐ ܢܫ݂ܪܐ ܥܠ݂ܬܐ ܕܥܩܬܢ܇ ܘܢ̇ܦܪܩ ܢܦܫܢ ܡܢ ܫܓܘܫܝܐ. ܐܡܬܝ ܕܝܢ ܕܡܢ̇ܬܐ ܕܪܓܬܐ ܬ݂ܚܡ܆ ܗܝܕܝܢ ܡܪ̈ܚܐ ܥܒ̇ܕܝܢ ܠܢ. ܘܩ̈ܫܝܐ ܘܒܥܪ̈ܝܪܝܐ݂ ܩ̇ܪܝܢ ܠܢ. ܟܕ ܡܬܪܓܪܓܝܢܢ ܠܦܓܪ̈ܐ܆ ܦܓܪ̈ܐ ܢܦ̇ܓܥܘܢ ܒܢ. ܕܠܗܠܝܢ ܠܡ̇ܬܛܦܣܘ ܠܐ ܘ̇ܠܐ. ܐܠܐ ܕܠܩܘ݂ܒܠܐ ܠܡܥܒܕ
chapter
23
23
ܠܐ ܬܬܠ ܢܦܫܟ ܠܚܘܫܒܐ ܕܪܘܓܙܐ܇ ܘܒܬܪܥܝܬܟ ܬܬܟ̇ܬܫ ܥܡ ܗ̇ܘ ܕܐܥܝܩܟ. ܘܠܐ ܬܘܒ ܠܗ̇ܘ ܚܘܫܒܐ ܕܙܢܝܘܬܐ܇ ܘܝܬܝܪܐܝܬ ܒܢܝܚܐ ܕܪܓܬܐ ܬܫܬܪܓܪܓ. ܗ̇ܘ ܓܝ݂ܪ ܡ̇ܚܫ݂ܟ ܢܦܫܐ. ܗܢܐ ܕܝ݂ܢ ܡܓ̇ܪܓ ܠܟ. ܠܘܬ ܚܡܝܡܘܬܐ ܕܚܫ̈ܐ ܕܨܚ݂ܢܘܬܐ. ܬܪ̈ܝܗܘܢ ܓܝ݂ܪ ܠܪܥܝܢܟ ܡܨܐܝܢ. ܘܒܙܒܢܐ ܕܨܠܘܬܐ ܡܐ ܕܡܫܬܪܓܪܓ ܐܢܬ ܒܗܠܝܢ ܕܡ݂̈ܘܬܐ: ܘܨܠܘܬܐ ܕܟܝܬܐ ܠܐܠܗܐ ܠܐ ܡ̇ܩܪܒ ܐܢܬ܆ ܒܪܫܥܬܗ ܢ̇ܦܠ ܐܢܬ ܒܐ̈ܝܕܝ݂ ܕܝܘܐ ܕܡܐܝܢܘܬܐ. ܗ̇ܘ ܕܥܠ ܐܝܠܝܢ ܕܗܟܢܐ ܐܢܘܢ ܝܬܝܪܐܝܬ ܣܥ̇ܐ܇ ܘܢܦܫܗܘܢ ܚ̇ܛܦ݂ ܒܕܡܘܬ ܟܠܒܐ ܕܚ̇ܛܦ ܥܘܙܝܠ݂ܐ
chapter
24
24
ܟܝܢܐ ܕܚܡܬܐ݂ ܬܬܟ̇ܬܫ ܥܡ ܕܝ̈ܘܐ. ܘܥܡ ܐܝܢܐ ܕܗܘ݂ ܢܝܚܐ݂ ܬܐܕܪ. ܡܛܠ ܗܕܐ ܐܦ ܡ̈ܠܐܟܐ ܕܡ̇ܠܟܝܢ ܠܢ ܢܝܚܐ ܪܘܚܢܐ ܘܛܘܒܬܢܐ܆ ܡܢܗ ܡܦܝܣܝܢ ܠܢ܆ ܕܚܡܬܢ ܠܘܬ ܕܝ̈ܘܐ ܢ̇ܗܦܟ. ܗܠܝܢ ܕܝܢ ܕܠܩܘܒܠܐ ܕܗܠܝܢ܆ ܠܘܬ ܪ̈ܓܝܓܬܐ ܕܥܠܡܐ ܗܢܐ ܢܬ̇ܦܝܢ ܠܢ. ܘܠܚܡ݂ܬܢ ܕܠܐ ܒܟܝܢܐ݂ ܕܬܬܟ̇ܬܫ ܥܡ ܒܢܝܢܫ̈ܐ ܥܨ̇ܝܢ ܠܢ. ܕܡܐ ܕܚ݂ܫܟ ܡܕܥܢ ܘܢܦ݂ܠ ܡܢ ܝܕܥܬܗ܆ ܡ̇ܫܠܡܢܐ ܢܗ̇ܘܐ ܕܡܝܬܪܘܬܐ
chapter
25
25
ܚܘܪ ܒܩܢܘܡܟ. ܕܠܐ ܡܬܘܡ ܬܣܩ ܪܘܓܙܗ ܕܐܚܐ܇ ܘܬܗܘܐ ܠܗ ܥܠ݂ܬܐ ܕܫܘܢܝܐ܇ ܘܒܟܠܗܘܢ ܚ̈ܝܝܟ ܠܐ ܬܫܟܚ ܠܡܥܪܩ ܡܢ ܕܝܘܐ ܕܥܩܬܐ܇ ܕܒܙܒܢܐ ܕܨܠܘܬܐ ܒܟܠܫܥ ܗ̇ܘܐ ܠܟ ܫ̇ܦܝܐ
chapter
26
26
ܠܐܟܬܢܘܬܐ݂ ܡܕܥܟܝܢ ܐܝܩܪ̈ܐ. ܘܢܦܝܣܟ ܝܥܩܘܒ݂ ܕܐܦܝܣܗ ܠܥܝܣܘ ܒܡ̈ܘܗܒܬܐ܇ ܟܕ ܐܬ݂ܐ ܠܐܘܪܥܗ ܒܐܪ̈ܒܥܡܐܐ ܓܒܪ̈ܝܢ. ܐܠܐ ܡܛܠ ܕܚܢܢ ܡ̈ܣܟܢܐ ܚܢܢ܆ ܒܦܬܘܪܐ ܫܚܝܡܐ݂ ܚܫܚܬܢ ܢܡ̇ܠܐ
chapter
27
27
ܐܡܬܝ ܕܒܐ̈ܝܕܝ ܕܝܘܐ ܕܡܐܝܢܘܬܐ ܢ݂ܦܠ܆ ܗܝܕܝܢ ܢܦܫܢ ܒܕܡ̈ܥܐ ܢ̇ܦܠܓ ܘܡܢܗ̇ ܢ̇ܥܒܕ ܡܒܝܐܢܝܬܐ݂ ܘܡܢܗ̇ ܡܬܒܝܐܢܝܬܐ. ܟܕ ܙܪܥ̇ܝܢ ܚܢܢ ܠܗ̇ ܣܒܪܐ ܛܒܐ܆ ܘܠܚܫ̇ܝܢܢ ܠܗ̇. ܠܘܚܫ̈ܬܗ ܕܛܘܒܢܐ ܕܘܝܕ. ܕܥܠ ܡܢܐ ܡܥܩܬܝ̇ ܢܦܫܝ܇ ܘܥܠ ܡܢܐ ܫ̇ܓܫܬܝ ܠܝ. ܣܟ̇ܝ ܠܐܠܗܐ ܡܛܠ ܕܬܘܒ ܐ̇ܘܕܐ ܠܗ. ܠܦܪܘܩܐ ܕܐ̈ܦܝ ܘܐܠܗܝ
chapter
28
28
ܠܐ ܘ̇ܠܐ ܕܒܙܒܢܐ ܕܢܣܝܘܢܢ ܕܢܪܦܐ݂ ܩܠܝܬܢ ܘܢܫܢܐ܇ ܟܕ ܓܒ̇ܠܝܢܢ ܥ̈ܠܬܐ ܕܘ̈ܠܝܢ. ܐܠܐ ܠܓܘ ܢܬܒ݂ ܘܢܣܝܒܪ. ܘܢܩܒܠ ܚܠܝܨܐܝܬ܆ ܠܟܠܗܝܢ ܐܝܠܝܢ ܕܐ̇ܬܝܢ ܥܠܝܢ. ܝܬܝܪܐܝܬ ܠܕܝܘܐ ܕܡܝܢܘܬܐ. ܗ̇ܘ ܕܡܛܠ ܕܩܫ݂ܐ ܡܢ ܚܒܪ̈ܘܗܝ܆ ܥܒ̇ܕ ܠܗ̇ ܠܢܦܫܢ ܢܨܝܚܬܐ. ܗ̇ܝ ܓܝܪ ܕܢܥܪܘܩ ܐܢܫ ܡܢ ܗܠܝܢ ܐܓ̈ܘܢܐ ܘܢܫ̇ܢܐ܆ ܥܒ̇ܕܐ ܠܗ ܠܗܘܢܢ ܕܚܘܠܬܢܐ݂ ܘܥܪܘܩܐ. ܘܐܬܠܝܛܐ ܕܡܬ̇ܟܬܫ ܕܠܐ ܐܘܡܢܘܬܐ
chapter
29
29
ܐܡ̇ܪ ܗܘܐ ܗ̇ܘ ܩܕܝܫܐ ܣ̇ܥܪ ܣܘܥܪ̈ܢܐ ܡܠܦܢܢ: ܕܗܟܢܐ ܠܡ ܘ̇ܠܐ ܠܗ ܠܝܚܝܕܝܐ ܕܗ݂ܘܐ ܡܥ݂ܬܕ. ܐܝܟ ܗ̇ܘ ܕܠܡܚܪ ܡܐ̇ܬ. ܘܗ݂ܟܢܐ ܗ݂ܘܐ ܡܬܚܫܚ ܒܦܓܪܗ܆ ܐܝܟ ܗ̇ܘ ܕܫ̈ܢܝܐ ܣܓܝܐ̈ܬܐ ܚ̇ܝܐ. ܗ̇ܝ ܓܝܪ ܩܕܡܝܬܐ܆ ܚܘܫ̈ܒܐ ܕܡܐܝܢܘܬܐ ܡܦܣܩܐ ܡܢܗ܆ ܘܚܦܝܛܐ ܥܒ̇ܕܐ ܠܗ ܠܝܚܝܕܝܐ. ܗܕܐ ܕܝܢ ܐܚܪܬܐ܆ ܒܚܠܝܡܘܬܐ ܢ̇ܛܪܐ ܓܘܫܡܗ܆ ܘܫܘܝܐܝܬ ܥܒ̇ܕܐ ܕܬܪܕܐ ܥܢܘܝܘܬܗ
chapter
30
30
ܩܫܝܐ ܗܝ ܕܢܥܪܘܩ ܐܢܫ ܡܢ ܚܘܫ̈ܒܐ ܕܫܘܒܚܐ ܣܪܝܩܐ. ܗ̇ܘ ܓܝܪ ܡܕܡ. ܕܥܒ̇ܕ ܐܢܫ ܠܩܘܦܚܗ܆ ܪܝܫܐ ܐܚܪܢܐ ܠܫܘܒܚܐ ܣܪܝܩܐ ܗ̇ܘܐ ܠܗ. ܠܘ ܓܝܪ ܟܠܗܘܢ ܚܘܫ̈ܒܝܢ܇ ܫܘܝܐܝܬ ܗ̇ܘܝܢ ܕܠܩܘܒܠܐ ܕܕ̈ܝܘܐ. ܐܠܐ ܬܡܢ ܟܬ̇ܫܝܢ܆ ܐܝܟܐ ܕܚ̇ܙܝܢ ܠܢ ܕܢܬ̇ܝ݂ܦܝܢܢ. ܗܟܢܐ ܐܦ ܒܝܫ̈ܬܐ
chapter
31
31
ܐ̇ܕܪܟܬ ܕܕܝܘܐ ܕܫܘܒܚܐ ܣܪܝܩܐ܆ ܐܝܟ ܗ̇ܘ ܕܡܢ ܟܠܗܘܢ ܕܝ̈ܘܐ ܡܬܪܕܦ. ܘܥܠ ܡܦܘܠܬܐ ܕܪ̈ܕܘܦܘܗܝ ܩܐ̇ܡ܆ ܘܠܝܚܝܕܝܐ ܓܝܪ ܪܒܘܬܐ ܕܡܝܬܪܘܬܐ ܡ̇ܚܘܐ ܠܗ
chapter
32
32
ܗ̇ܘ ܕܐܬܩܪܒ ܠܝܕܥܬܐ ܘܡܢ ܦܐܪ̈ܝܗ̇ ܐܬܒܣܡ܆ ܠܐ ܬܘܒ ܡܬܛܦܝܣ ܠܕܝܘܐ ܕܫܘܒܚܐ ܣܪܝܩܐ܇ ܡܐ ܕܡܩ̇ܪܒ ܠܗ ܟܠܗܝܢ ܪ̈ܓܝܓܬܗ ܕܥܠܡܐ. ܡܢܐ ܓܝܪ ܡܫܬܘܕܐ ܠܗ܇ ܕܡܥ̇ܠܝ ܡܢ ܚܙܬܐ ܪܘܚܢܝܬܐ. ܥܕܡܐ ܕܝܢ ܕܛܥܡܝܢܢ ܠܗ̇ ܠܐܝܕܥܬܐ܆ ܒܨܒܝܢܐ ܛ̇ܒܐ݂ ܒ̇ܥܒ̈ܕܐ ܢܬܚ̇ܦܛ. ܘܢܝܫܢ ܠܐܠܗܐ ܢ̇ܚܘܐ܆ ܕܟܠܡܕܡ ܕܥܒ̇ܕܝܢ ܚܢ݂ܢ ܡܛܠ ܝܕܥܬܗ
chapter
33
33
ܗ݂ܘܝܬ ܥܗܝܕ ܐܢܬ ܥܘܡܪܐ ܩܕܡܝܐ܆ ܐܦ ܪܝܫܝܬܐ ܕܫܪ̈ܥܬܐ. ܘܕܐܝܟܢܐ ܟܕ ܚܫܘܫܐ ܐܢܬ܇ ܒܪ̈ܚܡܘܗܝ ܕܡܫܝܚܐ ܠܘܬ ܠܐ ܚܫܘܫܘܬܐ ܐܬ݂ܩܪܒܬ. ܘܕܐܝܟܢܐ ܬܘܒ ܢܦ݂ܩܬ ܡܢ ܥܠܡܐ܇ ܗ̇ܘ ܕܙܒ̈ܢܝܢ ܣ̈ܓܝܐܢ ܒܣ̈ܓܝܐܬܐ ܡ̇ܟܟܟ. ܗܘ݂ܝܬ. ܘܐܬܪܥ݂ܐ ܐܦ ܗܕܐ܆ ܕܡܢ݂ܘ ܗ̇ܘ ܕܒܚܘܪܒܐ ܢ̇ܛܪ ܠܟ܇ ܘܛ̇ܪܕ ܡܢܟ ܕܝ̈ܘܐ ܕܡܚܪܩܝܢ ܥܠܝܟ ܫ̈ܢܝܗܘܢ. ܗܠܝܢ ܚܘܫ̈ܒܐ ܡܟ݂ܝܟ݂ܘܬܐ ܡܩܢܝܢ ܠܟ܆ ܘ̇ܠܕܝܘܐ ܕܪܡܘܬܐ݂ ܠܐ ܡܩ̇ܒܠܝܢ
chapter
34
34
ܥܘܗܕܢܐ ܕܚܫ̈ܐ ܕܗ̇ܘܝܢ ܨܐܝܕܝܢ܆ ܐܦ ܨܒܘܬܗܘܢ ܒܚܫܐ ܩ̇ܒܠܢܗ̇. ܘܟܠܗܝܢ ܨ̈ܒܘܬܐ ܕܒܚܫܐ ܡ̇ܩܒܠܝܢ ܠܗܝܢ. ܐܦ ܥܘܗܕܢܗܝ݂ܢ ܒܚܫܐ ܗ̇ܘܐ ܨܐܝܕܝܢ. ܡܛܠ ܗܕܐ ܗ̇ܘ ܕܐܙܝܥ ܐܢܘܢ ܠܣܥܘܪܘܬܐ ܠܕܝ̈ܘܐ܆ ܡܫܝܚ ܥܠ ܗܠܝܢ ܕܡܣܬܥܪ̈ܢ ܡܢܗܘܢ. ܩܪܒܐ ܓܝܪ ܪܘܚ̇ܢܐ܆ ܣ̇ܓܝ ܩ݂ܫܐ ܡܢ ܗ̇ܘ ܦܓܪܢܐ
chapter
35
35
ܚܫ̈ܐ ܕܢܦܫܐ݂ ܡܢ ܢܦܫܐ ܡܬܝܠܕܝܢ. ܘܚܫ̈ܐ ܕܦܓܪܐ݂ ܡܢ ܦܓܪܐ. ܘܠܗܠܝܢ ܕܦܓܪܐ݂ ܡܦܣܩܐ ܠܗܘܢ ܥܢܘܝܘܬܐ. ܠܕܢܦܫܐ ܕܝ݂ܢ ܚܘܒܐ ܪܘܚܢܐ
chapter
36
36
ܗܠܝܢ ܕܥܡ ܚܫ̈ܐ ܕܢܦܫܐ ܡܬܟ̇ܬܫܝܢ܆ ܥܕܡܐ ܠܡܘܬܐ ܗ̇ܘܝܢ ܡܚܡܣܢܝܢ. ܗܠܝܢ ܕܝܢ ܕܥܡ ܦܓܪܐ܆ ܕܠܝܠܐܝܬ ܡܫ̇ܢܝܢ. ܘܗܠܝܢ ܕܝ̈ܘܐ ܐܚܪ̈ܢܐ܆ ܕܡ̇ܝܢ ܠܫܡܫܐ ܟܕ ܕܢܚ ܘܥܪܒ̇. ܘܠܚܕܐ ܚܕܐ ܡܢ ܡ̈ܢ̇ܘܬܗ̇ ܕܢܦܫܐ ܡܬܩ̇ܪܒܝܢ. ܗ̇ܘ ܕܝܢ ܛܗܪܝܐ܆ ܟܠܗ̇ ܢܦܫܐ ܡܥܕ ܠܒ̇ܟ܇ ܘܚ̇ܢܩ ܠܗ ܠܡܕܥܢ ܘܡܛܠ ܗܕܐ ܚܠ݂ܐ ܠܢ ܫܘܢܝܗܘܢ܆ ܡܢ ܒܬܪ ܓܝܪ ܕܡܣܬܪܩܝܢܢ ܡܢ ܚܫ̈ܐ܆ ܗܝܕܝܢ ܥܘܗܕܢܐ ܫܚܝܡܐ ܕܬܟܬܘܫ̈ܝܗܘܢ ܐܝܬ ܨܝܕܝܢ. ܘܠܘ ܠܗ ܕܝܢ ܠܐܓܘܢܐ܆ ܐܠܐ ܠܚܙܬܐ ܡܥܬܕܝܢ ܠܗ ܠܝܚܝܕܝܐ
chapter
37
37
ܡܢܐ ܟܝ. ܬܪܥܝܬܐ ܡܙܝܥܐ ܚܫ̈ܐ܆ ܐܘ ܚܫ̈ܐ ܡܙܝܥܝܢ ܠܬܪܥܝܬܐ. ܠܣ̈ܓܝܐܐ ܓܝܪ ܐܣܬܒܪܬ̇܆ ܕܬܪܥܝܬܐ. ܐܚܪ̈ܢܐ ܕܝܢ܆ ܕܚܫ̈ܐ ܡܢ ܪ̈ܓܫܐ ܡܟܢܝܢ ܕܢܬܬܙܝܥܘܢ
chapter
38
38
ܐܡܬܝ ܕܝܢ ܕܩܪܝܒ ܚܘܒܐ ܘܡܣܝܒܪܢܘܬܐ܆ ܠܐ ܡܬܬܙܝܥܝܢ. ܐܡܬܝ ܕܝܢ ܕܚܡܬܐ ܬ݂ܣܓܐ ܡܢ ܪܓܬܐ܆ ܣܢܝܩܐ ܥܠ ܣܡ̈ܡܢܐ. ܘܥܠ ܗ̇ܝ ܡܬܐܡܪ ܕܪܒ ܚܘܒܐ ܕܦܓܘܕܬܐ ܐܝܬܘܗܝ ܕܚܡ݂ܬܐ. ܘܡܛܠ ܗܕܐ ܐ̈ܢܫܐ ܐ̈ܠܗܝܐ ܡ̇ܠܦܝܢ ܠܢ܆ ܕܢܬܬܢܝܚ ܡܢ ܚܡ݂ܬܐ
chapter
39
39
ܡܢ ܪܝܚܐ ܕܣܪܝܘܬܐ ܕܢܣܝ̈ܘܢܝܗܘܢ ܕܫܐ̈ܕܐ܆ ܡܥܕܐ ܗܝ ܢܦܫܐ ܡܓܘܙܠܐ ܚܘܫ̈ܒܐ. ܘܡܢ ܩܪܝܒܘܬܗܘܢ ܕܠܘܬܗ̇܆ ܡܪܓܫܐ ܡܐ ܕܟܬ̇ܫ ܠܗ̇ ܟܐܒܐ ܕܐܨܛܒܥܬ̇ ܒܗ
title
head 4
ܡ̈ܠ݂ܟܐ ܕܡܪܬܝܢܘܬܐ ܕܝܠܗ ܕܐܘܓܪܝܣ:
chapter
40
40
ܠܘ ܒܟܠܙܒܢ ܡܫܟܚܝܢ ܚܢܢ ܕܢ̇ܫܠܡ ܬܫܡܫ̈ܬܐ ܕܥܝܕܢ܆ ܘܠܐ ܕܝܢ ܕܢܚܘܪ ܒܗ. ܒܙܒܢܐ ܘܦ...... ܕܢܗܘܘܢ܆ ܐܝܟ ܕܡܫܟܚܐ ܕܢ̇ܥ݂ܒܕ ܐܢܘܢ ܢܬ̇ܚܦܛ ܗܠܝܢ ܓܝܪ ܙܒ̈ܢ̇ܐ݂ ܐܦ ܗ݂ܢܘܢ ܕܝ̈ܘܐ ܝܕ̇ܥܝܢ ܠܗܘܢ ܘܡܙܝܥܝܢ ܠܢ ܕܗܠܝܢ ܕܡܫ̈ܟܚܢ ܕܢ̈ܗܘܝ݂ܢ ܠܐ ܢܗ̈ܘܝܢ. ܘܐܝܠܝܢ ܕܠܐ ܡ̈ܫܟܚܢ ܥܨ̇ܝܢ ܠܢ ܕܢ̇ܥܒܕ ܐ̈ܢܝܢ. ܐܦ ܓܝܪ ܠܐ̈ܚܐ ܡ̈ܚܝܠܐ܆ ܟ̇ܠܝ݂ܢ ܠܗܘܢ ܕܢܘܕܘܢ ܥܠ ܟܐ̈ܒܝܗܘܢ ܘܕܢ̇ܓܪܘܢ ܪܘܚܗܘܢ ܥܡ ܗ̇ܢܘܢ ܕܡ̇ܫܡܫܝܢ ܠܗܘܢ. ܘܒܗ̇ ܒܡܚܝܠܘܬܗܘܢ ܡܦܝܣܝܢ ܠܗܘܢ ܕܢܗܘܘܢ ܥ̈ܢܘܝܐ܆ ܘܡܓܪܓܝܢ ܠܗܘܢ ܟܕ ܝܩܝܪ ܥܠܝܗܘܢ ܓܘܫܡܗܘܢ. ܕܢܩܘܡܘܢ ܘܢܙܡ̇ܪܘܢ
chapter
41
41
ܐܡܬܝ ܕܒܡ̈ܕܝܢܬܐ ܕܝܢ ܘܒܩܘܪ̈ܝܐ ܩܠܝܠ ܙܒܢܐ ܡܬܥܨܝܢܢ ܕܢܬܗ̇ܦܟ܆ ܗܝܕܝܢ ܝܬܝܪܐܝܬ ܥܠ ܡܣܝܒܪܢܘܬܐ ܣܓܝܐܬܐ ܣܢܝܩܝܢܢ. ܕܕܠܡܐ ܟܕ ܡܬ̇ܗܦܟܝܢ ܚܢܢ ܥܡ ܥܠܡ̈ܝܐ܇ ܢܬܥ̇ܒܐ ܠܗ ܠܒܢ ܘܗܘܢܢ܇ ܘܟܕ ܡܬܓܠܙ ܡܢ ܒܛܝܠܘܬܐ ܕܥܝܕܐ܇ ܢܬ݂ܥܨܐ ܠܡܥܒܕ ܡܕܡ ܕܠܐ ܨ̇ܒܐ ܒܗ܇ ܘܢܗܘܐ ܥܪܘܩܐ ܟܕ ܡܬܪܕܦ ܡܢ ܫ̈ܐܕܐ
chapter
42
42
ܠܐ ܠܘܩܕܡ ܬܨܠܐ ܒܢܣܝܘܢܟ܇ ܐܠܐ ܐܢ ܠܘܩܕܡ ܐܡ݂ܪܬ ܡ̈ܠܐ ܕܪܘܓܙܐ̇ ܠܘܬ ܗ̇ܘ ܕܐ̇ܠܨ ܠܟ. ܡܐ ܓܝܪ ܕܐܨܛܒ݂ܥܬ ܠܗ̇ ܢܦܫܐ ܒܚܘܫ̈ܒܐ܆ ܓ̇ܕܫܐ ܕܐܦܠܐ ܨܠܘܬܟ ܗ݂ܘܝܐ݂ ܕܟܝܐ. ܐܢ ܕܝܢ ܒܪܘܓܙܐ ܬܐܡܪ ܠܘܬܗܘܢ ܡܕܡ܆ ܐܡܝܢܐܝܬ ܡܛܠܩ ܐܢܬ ܚܘܫ̈ܒܐ ܟܠܗܘܢ ܕܒܥܠܕܒ̈ܒܝܟ. ܗܕܐ ܓܝܪ ܣ̇ܥܪ ܪܘܓܙܐ܆ ܐܦ ܠܘܬ ܚܘܫ̈ܒܐ ܡܝܬܪ̈ܐ
chapter
43
43
ܘ̇ܠܐ ܠܢ ܕܫ̈ܘܚܠܦܐ ܕܕ̈ܝܘܐ ܗ݂ܘܝܢ ܝܕܥ̇ܝܢܢ܆ ܘܙܒ̈ܢܝܗܘܢ ܗܘܝܢ ܪܫ̇ܡܝܢܢ. ܘܡܣܬ̇ܟܠܝܢ ܚܢܢ ܠܗܘܢ ܠܕܝ̈ܘܐ ܡܢ ܚܘܫ̈ܒܐ. ܘܠܗ̇ܘܢ ܠܚܘܫ̈ܒܐ ܡܢ ܨ̈ܒܘܬܐ. ܡܢܗܘܢ ܓܝܪ ܕܕܝ̈ܘܐ݂ ܠܘ ܬܟܝܒܐܝ̇ܬ ܡܩ̇ܪܒܝܢ ܥܡܢ. ܘܣ̇ܓܝ ܩܫܝܢ. ܐܚܪ̈ܢܐ ܕܝܢ ܐܡܝܢܝ݂ܢ ܘܦܫܝܚܝܢ. ܡܢܗܘܢ ܡܢ ܫܠܝ ܥܐ̇ܠܝܢ ܥܠܝܢ܇ ܘܚ̇ܛܦܝܢ ܠܗ ܠܡܕܥܢ ܠܓܘܕܦܐ. ܗܠܝܢ ܕܝܢ ܐܠܨ̇ܐܝܬ ܘ̇ܠܐ ܠܢ ܕܗ݂ܘܝܢ ܝܕ̇ܥܝܢܢ. ܕܡܐ ܕܫܪܝܘ ܚܘܫ̈ܒܐ ܡܙܝܥܝܢ ܡܠܘܗܘܢ: ܩܕܡ ܕܣܓܝ ܢܦܩܘܢ ܠܢ ܡܢ ܒܗܝܠܘܬܢ܆ ܢܐܡܪ ܠܘܬܗܘܢ ܟܕ ܡܘܕܥܝܢܢ ܕܡܢ݂ܘ ܗ̇ܘ ܕܡܩܪܒ ܥܡܢ. ܗܟܢܐ ܓܝܪ ܚܢܢ ܒܛܝܒܘܬܗ ܕܡܪܢ ܕܠܝܠܐܝܬ ܠܩܕܡܝܢ ܡܫܬܘܫܛܝܢܢ. ܠܗܘܢ ܟܕ ܡܬܕܡܪܝܢ ܒܢ: ܕܟܐ̈ܒܐ ܡ̇ܚܝܢ ܠܗܘܢ܆ ܕܢܦ݂ܪܩܘܢ ܡܢܢ ܥܒ̇ܕܝܢܢ
chapter
44
44
ܐܡܬܝ ܕܐܓܘܢܐ ܥܡ ܐܝܚܝܕܝܐ ܥܒ̇ܕܝܢ ܕܝ̈ܘܐ ܕܚ̇ܝ݂ܒܝܢ܆ ܗ̇ܝ ܕܝܢ ܙܒܢܐ ܙܥܘܪܐ. ܡܫܢܝܢ ܘܢ̇ܛܪܝܢ܆ ܕܐܝܢܐ ܡܢ ܥ̇ܒ̈ܕܐ ܕܡܝܬܪܘܬܐ ܒ݂ܣܐ ܨܐܕܘܗܝ. ܘܥܠܘܗܝ ܡܢ ܫܠܝ ܢ̇ܦܠܝܢ܆ ܘܠܕܝܘܬܐ ܢܦܫܐ ܚ̇ܛܦܝܢ
chapter
45
45
ܕܝ̈ܘܐ ܩܫ̈ܝܐ܆ ܠܐܝܠܝܢ ܕܩܫܝܢ ܡܢܗܘܢ ܠܬܥܕܝܪܗܘܢ ܢ̇ܬܦܝܢ. ܘܟܕ ܐܝܬܝܗܘܢ ܣ̈ܩܘܒܠܐ ܒܚܘܫ̈ܒܝܗܘܢ܆ ܠܚ̈ܕܕܐ ܡܬܐ̇ܘܝܢ܆ ܒܗܕܐ ܒ݂ܠܚܘܕ ܕܢܘܒܕܘܢ ܢܦܫܐ
chapter
46
46
ܠܐ ܢܫܓܫܢ ܕܝܘܐ ܗ̇ܘ ܕܚ̇ܛܦ ܠܢ ܠܓܘܕܦܐ ܕܥܠ ܐܠܗܐ܇ ܘܠܫܪ̈ܓܪܓܝ݂ܬܐ ܕܠܐ ܡܬܡ̈ܠܠܢ܇ ܗܠܝܢ ܕܐܦܠܐ ܐܢܐ ܐܡ̇ܪܚܬ ܕܒܟܐܒܐ ܐ̇ܫܠܡ ܐ̈ܢܝܢ. ܘܠܐ ܨܒܝܢܢ ܛ̇ܒܐ ܢܬܩ̇ܛܥ. ܝܕ̇ܥ ܠܒ̈ܘܬܐ ܗܘ݂ ܓܝܪ ܡܪܝܐ. ܘܡܦܣ̇. ܕܐܦܠܐ ܟܕ ܒܥܠܡܐ ܗܘ݂ܝܢ܇ ܡܡܬܘܡ ܗܕܐ ܫܢܝܘܬܐ ܫ݂ܢܝܢ. ܢܝܫܐ ܕܝܢ ܠܗܢܐ ܕܝܘܐ ܐܝܬ ܠܗ܆ ܕܢܟ݂ܠܝܢ ܡܢ ܨܠܘܬܐ. ܕܠܐ ܢܩܘܡ ܩܕܡ ܐܠܗܐ܇ ܘܢܡܪܚ ܕܢܦܫܘܛ ܠܘܬܗ ܐ̈ܝܕܝܢ܇ ܗ̇ܘ ܕܗܠܝܢ ܢܣܥܘܪ ܥܠܘܗܝ ܐܬ̇ܪܥܝܢܢ
chapter
47
47
ܕܚܫ̈ܐ ܕܐܝܬ ܒܢܦܫܐ ܐܬ̇ܐ ܗܘ݂ܝܐ܆ ܐܘ ܡܠܬܐ ܟܕ ܡܬܡܠܠܐ܆ ܐܘ ܙܘ̈ܥܐ ܕܦܓܪܐ. ܕܡܢܗܘܢ ܡܪܓܫܝܢ ܒܥܠܕܒ̈ܒܝܢ܇ ܕܠܓܘ ܟܝ ܐܝܬܝܗܘܢ ܚܘܫ̈ܒܝܗܘܢ ܘܒܗܘܢ ܗ̇ܪܓܝܢܢ. ܐܘ ܫ݂ܕܝܢ ܐܢܘܢ ܡܢܢ ܘܝܨܝܦܝܢ ܚܢܢ ܥܠ ܚ̈ܝܝܢ. ܠܗܘܢܐ ܗܘ ܓܝܪ ܒܠܚܘܕ ܝܕ̇ܥ ܐܠܗܐ ܗ̇ܘ ܕܥܒܕܗ. ܘܠܐ ܣܢܝܩ ܥܠ ܐܬ̈ܘܬܐ ܕܢܕܥ ܟܣ̈ܝܬܗ ܕܠܒܐ
chapter
48
48
ܥܡ ܥܠܡ̈ܝܐ܆ ܕܝ̈ܘܐ ܒܝܕ ܨ̈ܒܘܬܐ ܡܬܟ̇ܬܫܝܢ. ܥܡ ܝܚܝ̈ܕܝܐ ܕܝܢ ܐܝܟ ܕܒܣܘܓܐܐ ܒܝܕ ܚܘܫ̈ܒܐ. ܓܠܝܙܝܢ ܐܢܘܢ ܕܝܢ ܡܛܠ ܚܘܪܒܐ ܡܢ ܨ̈ܒܘܬܐ. ܘܟܡܐ ܕܕܠܝ݂ܠܐ ܕܒܬܪܥܝܬܐ ܐܢܫ ܢܚ݂ܛܐ ܡܢ ܗ̇ܝ ܕܒܣܘܥܪܢܐ܆ ܗܟܢܐ ܩܫ݂ܐ ܩ̇ܪܒܐ ܕܬܪܥܝܬܐ܇ ܡܢ ܗ̇ܘ ܕܡܢ ܨ̈ܒܘܬܐ ܡܬܩ̇ܝܡ. ܨܒܘܬܐ ܗܝ ܓܝܪ ܩܠܝܠܬܐ ܗܘܢܢ ܘܫܪ̈ܓܪܓܝܬܐ ܕܠܒܪ ܡܢ ܢܡܘܣܐ ܥܣܩܐܝܬ ܠܒ̇ܟ
chapter
49
49
ܕܢܦܠܘܚ ܒܟܠܙܒܢ ܘܢܫܗܪ ܘܢܨܘܡ݂ ܠܐ ܦܩ݂ܝܕܝܢ ܚܢܢ ܕܐܡܝܢܐܝܬ ܕܝܢ ܢܨ̈ܠܐ܆ ܢܡܘܣܐ ܣܝܡ ܠܢ. ܡܛܠ ܕܗ̇ܢܘܢ ܕܡܢ̇ܬܐ ܚܫܘܫܬܐ ܕܢܦܫܐ ܡ̇ܐܣܝܢ܆ ܥܠ ܦܘܠܚܢܐ ܕܦܓܪܐ ܣܢܝܩܝܢ ܗ̇ܘ ܕܡܛܠ ܡܚܝܠܘܬܐ ܕܟܝܢܗ݂ ܠܐ ܣ̇ܦܩ ܠ... ܨܠܘܬܐ ܕܝܢ ܠܡܕܥܢ܆ ܚܝܠܬܢܐ ܡܥܬܕܐ ܠܗ ܕܢܗܘܐ ܠܘܩܒܠ ܒܥܠܕܪܐ܇ ܗ̇ܘ ܕܡܟܢ ܕܢܨ̇ܠܐ ܐܦ ܕܠܐ ܓܘܫܡܐ
chapter
50
50
ܐܢ ܐܢܫ ܡܢ ܝܚ̈ܝܕܝܐ ܢܨܒܐ ܕܢܣܝܘܢܐ ܕܕܝ̈ܘܐ ܒܥܪܝܪ̈ܝܐ ܢ݂ܣܒ: ܘܨܢܝܥܘܬܐ ܠܡܕܥ ܕܐܘܡܢܘܬܗܘܢ܆ ܢ݂ܛܪ ܚܘܫ̈ܒܘܗܝ. ܟܕ ܣܐ̇ܡ ܒܠܒܗ ܒܥܪܝܪܘܬܗܘ̇ܢ ܘܢܘܚܗܘܢ. ܘܚܘܠܛܢܗܘܢ ܘܙܒ̈ܢܝܗܘܢ. ܘܢܣܬܟܠ ܕܐܝܠܝܢ ܐܢܘܢ ܕܝ̈ܘܐ ܕܗܠܝܢ ܣ̇ܥܪܝܢ. ܘܐܝܢܐ ܕܝܘܐ ܢ̇ܩܝܦ ܠܐܝܢܐ܆ ܘܐܝܢܐ ܠܐ ܢܩ̇ܝܦ ܠܚܒܪܗ. ܘܢܒ݂ܥܐ ܡܢ ܡܫܝܚܐ ܥܠܝܗܘܢ ܕܗܠܝܢ. ܣ̇ܓܝ ܓܝܪ ܩܫ݂ܝܢ ܥܠ ܕܝ̈ܘܐ܇ ܐܢܫܐ ܐܝܠܝܢ ܕܒܝܕܥܬܐ ܨ̇ܒܝܢ ܕܢܓ݂ܡܪܘܢ ܡܝܬܪܘܬܐ. ܡܛܠ ܕܨܒ̇ܝܢ ܐܢܘܢ ܠܡܫܕܐ ܒܥܡܛܢܐ ܒܬܪ̈ܝܨܝ ܠܒܐ
chapter
51
51
ܘܒܬܪ̈ܝܢ ܕܝ̈ܘܐ ܚܪ̈ܝܦܐ ܐܢ ܢ̇ܛܪ ܐܢܬ܆ ܡܫܟܚ ܐܢܬ݂ ܕܐܦ ܠܙܘ̈ܥܘܗܝ ܕܡܕܥܢ܆ ܥ̇ܒܪܝܢ ܒܩܠܝܠܘܬܗܘܢ. ܠܕܝܘܐ ܕܙܢܝܘܬܐ܆ ܘܠܗ̇ܘ ܕܚ̇ܛܦ ܠܢ ܠܓܘܕܦܐ ܕܥܠ ܐܠܗܐ. ܐܠܐ ܗܢܐ̇ ܐܝܬܘܗܝ݂ ܙܥ݂ܘܪ ܙܒܢܐ. ܗ̇ܘ ܕܝܢ ܩܕܡܝܐ ܐܢ ܒܚܫܐ ܠܐ ܡܙܝܥ ܚܘܫ̈ܒܝܢ܆ ܠܐ ܡܥ̇ܘܟ ܠܢ ܡܢ ܝܕܥܬܐ ܕܐܠܗܐ
chapter
52
52
ܦܓܪܐ ܕܢܦܪܘܫ ܡܢ ܢܦܫܐ܆ ܕܐܠܗܐ ܐܝܬܝܗ̇ ܒܪܘܝܐ. ܕܢܦܫܐ ܕܝܢ ܡܢ ܦܓܪܐ ܕܐܦ ܗ̇ܘ ܕܡܬܝܐܒ ܠܡܝܬܪܘܬܐ. ܫܘܢܝܐ ܓܝܪ ܕܡܢ ܥܘܡܪܐ. ܕܘܪܫܐ ܕܡܘܬܐ܆ ܘܥܪܘܩܝܐ ܕܡܢ ܦܓܪܐ ܐܒ̈ܗܝܢ ܡܫܡܗܝܢ
chapter
53
53
ܗܠܝܢ ܕܒܝܫܐܝܬ ܦܓܪ̈ܝܗܘܢ ܡܬܪܣܝܢ: ܘܒܛܝܠܘܬܐ ܐܝܬ ܠܗܘܢ ܥܠܘܗܝ ܕܦܓܪܐ ܠܪ̈ܓܝܓܬܐ ܒܢܦܫ̈ܬܗܘܢ ܢܬܥܕܠܘܢ ܘܠܐ ܒܦܓܪ̈ܝܗܘܢ ܝܕ̇ܥܝܢ ܓܝܪ ܛܝܒܘܬܐ ܕܥܒܘܕܗܘܢ ܗܠܝܢ ܕܐܬܩܪܒܘ ܠܘܬ ܠܐ ܚܫܘܫܘܬܐ ܕܢܦܫܐ ܟܕ ܐܝܬܝܗܘܢ ܒܦܓܪ. ܘܒܚܙܬܐ ܕܗܠܝܢ ܕܐܝܬܝܗܝܢ ܐܝܟ ܡܐ ܕܡܫܟܚܐ ܐܬܒ̇ܩܘ
title
head 5
ܟܬܒܐ ܕܓܢܣܛܝܩܘܣ:
chapter
54
54
ܐܡܬܝ ܕܒܫܪܓܪ̈ܓܝܬܐ ܕܫܢܬܐ ܒܡܢ̇ܬܐ ܕܪܓܬܐ ܡܩܪܒܝܢ ܥܡܢ ܕܝ̈ܘܐ. ܐܡܬܝ ܕܗ݂ܢܘܢ ܡܚܘܝܢ: ܚܢܢ ܕܝܢ ܪܗܛܝܢ ܚܢܢ ܒܬܪܗܝܢ: ܕܐܝܬܝܗܝܢ ܗܠܝܢ: ܦ݂ܓܥܐ ܕܪ̈ܚ̇ܡܐ: ܟܢܘܫܝܐ ܕܒ̈ܢܝ ܓܢܣܐ: ܣܕܪܐ ܕܢܫ̈ܐ: ܘܐܚܪ̈ܢܝܬܐ ܕܐܝܟ ܗܠܝܢ ܕܐܝܬܝܗܝܢ ܡ̈ܥܒܕܢܝܬܐ ܕܪ̈ܓܝܓܬܐ ܒܗܕܐ ܡܢ̇ܬܐ ܕܟܪܝܗܝܢܢ. ܒܗ̇ ܡܬܥܙܙ ܥܠܝܢ ܚܫܐ. ܐܦ ܐܡܬܝ ܕܝܢ ܕܚܡܬܐ ܬܬ݂ܙܝܥ܆ ܫܓܫ̇ܝܢ ܘܥ̇ܨܝܢ ܠܢ܆ ܕܒܐܘܪ̈ܚܬܐ ܕܡ̈ܠܝܢ ܫ̈ܩܝܦܐ ܢ݂ܪܕܐ. ܘܡ̇ܝܬܝܢ ܥܠܝܢ ܐܢ̈ܫܐ ܕܡܙܝܢܝܢ܆ ܘܚ̈ܝܘܬܐ ܕܫ݂ܢܐ. ܘܕܫ̈ܕܝ ܡ݂ܪܬܐ. ܚܢܢ ܕܝܢ ܐܢ ܡܢ ܐܘܪ̈ܚܬܐ ܢܣܬ̇ܪܕ: ܘܡܢ ܕܚܠܬܐ ܕܚܝ̈ܘܬܐ ܘܕܗܠܝܢ ܐ̈ܢܫܐ ܕܐܬ̇ܝܢ ܥܠܝܢ ܢܥ݂ܪܘܩ܆ ܢܬ݂ܒܛܠ ܠܢ܆ ܘܥܠ ܡܢ̇ܬܐ ܕܚܡ݂ܬܐ ܕܢܦܫܐ. ܟܕ ܩ̇ܪܝܢܢ ܒܫܗܪܢ ܠܡܫܝܚܐ܆ ܢܬܚ̇ܫܚ ܒܗܠܝܢ ܣܡܡ̈ܢܐ ܩ̈ܕܡܝܐ
chapter
55
55
ܙܘ̈ܥܐ ܕܟܝܢܐ ܕܕܠܐ ܕܡܘ݂ܬܐ ܒܚܠܡ̈ܐ ܡܬ̈ܬܙܝܥܢ܆ ܡܘܕܥܝܢ ܕܟܡܐ ܕܗ݂ܘ݂ ܚܠܝܡܬܐ ܐܝܬܝܗ̇ ܢܦܫܐ. ܕܡ̈ܘܬܐ ܕܝܢ ܐܡܬܝ ܕܡܬ̈ܚܙܝܢ܆ ܬܚܘܝܬܐ ܐܝܬܝܗܝܢ ܕܟܪܝܗܘܬܗ̇. ܘܦܪ̈ܨܘܦܐ ܕܠܐ ܝܕܝܥܝܢ ܠܢ܆ ܐܬ̇ܐ ܐܢܘܢ ܕܚܫܐ ܥܬܝܩܐ. ܐܝܠܝܢ ܕܝܢ ܕܝܕܝܥܝܢ܆ ܐܬ̇ܐ ܐܢܘܢ ܕܚܫܐ ܩܪܝܒܐ ܕܗ݂ܘܐ ܒܢܦܫܐ
chapter
56
56
ܬܚ̈ܘܝܬܐ ܕܩܪ̈ܝܒܢ ܠܠܐ ܚܫܘܫܘܬܐ ܕܢܦܫܐ܆ ܡܣܬܟ̇ܠ ܐܢܬ ܒܐܝܡܡܐ݂ ܡܢ ܚܘܫ̈ܒܝܟ. ܒܠܠܝܐ ܕܝ݂ܢ ܡܢ ܚܠܡ̈ܝܟ. ܘܩܪܝܒܘܬܐ ܕܠܘܬ ܠܐ ܚܫܘܫܘܬܐ ܕܢܦܫܐ܆ ܕܚܘܠܡܢܐ ܕܢܦܫܐ ܐܝܬܘܗܝ ܐܡ̇ܪܝܢ ܚܢܢ. ܣܝܒܪܬܗ̇ ܕܝܢ ܐܝܬܝܗ݂̇ ܐܝܕܥܬܐ. ܗ̇ܝ ܕܒܠܚܘܕܝܗ̇ ܡܥ݂ܕܐ ܡ̇ܩܦܐ ܠܢ ܠܚ̈ܝܠܐ ܩ̈ܕܝܫܐ. ܡܛܠ ܕܫܘܬܦܘܬܐ ܕܠܐ̇ ܡܓܫ̈ܡܐ܆ ܡܢ ܫܘܝܘܬܐ ܕܕܘܒܪ̈ܐ ܕܬܗܘܐ ܡܟ݂ܢܐ
chapter
57
57
ܬܪ̈ܝܢ ܗܘ̈ܦܟܐ ܡܫ̈ܝܢܐ ܐܝܬ ܠܗ̇ ܠܢܦܫܐ. ܚܕ ܗ̇ܘ ܕܡܢ ܙܘ̈ܥܐ ܟܝ̈ܢܝܐ ܕܡ̈ܘܙܓܐ ܡܬܩ̇ܝܡ܆ ܐܚܪܢܐ ܕܝܢ ܗ̇ܘ ܕܡܢ ܫܘܢܝܗܘܢ ܕܕܝ̈ܘܐ ܗ̇ܘܐ. ܘܠܗ̇ܘ ܩܕܡܝܐ ܢܩ̇ܝܦܐ ܠܗ ܡܟܝܟܘܬܐ܆ ܥܡ ܬܘܬ ܢܦܫܐ ܘܕܡ̈ܥܐ. ܘܪܚܡܬܐ ܕܠܘܬ ܐܠܗܐ ܕܠܐ ܡܣܬܝܟܐ܆ ܘܚܦܝܛܘܬܐ ܕܠܘܬ ܥ̇ܒ̈ܕܐ ܕܠܐ ܡܬܬ݂ܟܝܠܐ. ...ܗ̇ܘ ܕܝܢ ܕܬܪ̈ܝܢ ܕܗ̇ܘܐ ... ܫܘܢܝܐ ܕܕܝ̈ܘܐ܆ ܢ̇ܩܝܦ ...ܠܗ... ܫܘܒܚܐ ܣܪܝܩܐ. ܥܡ ...ܒܘܬܐ ܕܚ݂ܛܦܐ ܠܗ ܠܝܚܝܕܝܐ. ܗ̇ܘ ܗܟܝܠ ܕܬܚܘܡܐ ܕܢܘܚܗ ܩܕܡܝܐ ܢ̇ܛܪ܆ ܚܪܝܦܐܝܬ ܡܫܬܘܕܥ ܡܐܬܝܬܐ ܕܕܝ̈ܘܐ ܕܥܠܘܗܝ
chapter
58
58
ܕܝܘܐ ܕܪܚ݂ܡܬ̇ ܫܘܒܚܐ ܣܪܝܩܐ܆ ܣܩܘܒܠܐ ܐܝܬܘܗܝ ܕܕܝܘܐ ܕܙܢܝܘܬܐ. ܘܬܪ̈ܝܗܘܢ ܗܠܝܢ ܐܟܚܕܐ ܕܢܗ݂ܡܣܘܢ ܒܢܦܫܐ݂ ܠܐ ܡܫܟܚܐ. ܡܛܠ ܕܗ̇ܘ݂ ܐܝܩܪܐ ܡܫܬܘܕܐ. ܗ̇ܘ ܕܝܢ ܚܪܢܐ܆ ܥܠ݂ܬܐ ܗ̇ܘܐ ܕܨܥܪܐ. ܐܡܬܝ ܗܟܝܠ ܕܚܕ ܡܢ ܗܠܝܢ ܢܬܩ̇ܪܒ ܠܟ ܘܢܟܬ݂ܫܟ܆ ܚܘܫ̈ܒܘܗܝ ܕܗ̇ܘ ܕܐܝܬܘܗܝ ܕܠܩܘܒܠܗ ܬܓܒܘܠ ܬܪܥܝܬܟ. ܘܐܢ ܐܫܟܚܬ ܐܝܟ ܗ̇ܝ ܕܐܡܝܪܐ ܒܡ̈ܬܠܐ: ܕܣܟܬܐ ܒܣܟܬܐ ܬܥܩܘܪ܆ ܐܫ݂ܬ̇ܘܕܥ ܢܦܫܟ ܕܩܪܝܒ ܐܢܬ ܗܘ ܠܬܚܘܡܐ ܕܠܐ ܚܫܘܫܘܬܐ. ܐܫܟܚ ܓܝܪ ܗܘܢܟ ܒܚܘܫ̈ܒܐ ܐ̈ܢܫܝܐ܇ ܕܚܘܫ̈ܒܐ ܕܕܝ̈ܘܐ ܢܘܒܕ ܕܒܡܟܝܟܘܬܐ ܕܝܢ ܢܕܚܘܩ ܐܢܫ ܠܪܚ݂ܡܬ̇ ܫܘܒܚܐ ܣܪܝܩܐ ܡܢܗ: ܐܘ ܒܢܟܦܘܬܐ ܠܗ̇ܘ ܚܘܫܒܐ ܕܙܢܝܘܬܐ܆ ܗܕܐ ܬܚܘܝܬܐ ܗܝ ܥܡܝܩܬܐ ܕܠܘܬ ܩܪܝܒܘܬܐ ܠܐ ܚܫܘܫܬܐ. ܘܗ̈ܢܝܢ ܗܠܝܢ܆ ܠܘܬ ܟܠܗܘܢ ܕܝ̈ܘܐ ܕܐܝܬܝܗܘܢ ܣ̈ܩܘܒܠܐ ܕܚ̈ܕܕܐ. ...ܥܘܪ ܐܬܚ̇ܛܦ. ܝ̇ܠܦܬ ... ܓܝܪ ܒܝܕ ܗܠܝܢ܆ ܕܒܬܪ ܐܝܢܐ ܚܫܐ ܢܬ̇ܝܦ ܐܢܬ. ܒܪܡ ܟܡܐ ܕܐܝܬ ܒܚܝܠܟ ܒ݂ܥܝ ܡܢ ܐܠܗܐ܆ ܕܒܐܣܟܡܐ ܕܬܪ̈ܝܢ ܠܒܥܠܕܒ̈ܒܝܟ ܬ݂ܙܟܐ.
chapter
59
59
ܟܡܐ ܕܡܫܬܘܫܛܐ ܢܦܫܐ ܠܥ̇ܒ̈ܕܐ ܕܡܝܬܪܘܬܐ܆ ܗܟܢܐ ܒܟܠ ܕܪ̈ܐ ܚ̈ܣܝܢܐ ܡܩ̇ܒܠܝܢ ܠܗ̇. ܠܗܘܢ ܓܝܪ ܟܕ ܠܗܘܢ ܒܟܠܙܒܢ ܠܕܝ̈ܘܐ ܕܢܬܐܡܢܘܢ ܨܝܕ ܢܦܫܐ݂ ܠܐ ܡܬܛܦܝܣܐ. ܘܗܠܝܢ ܝܕܥܝܢ ܕܝܢ ܝܬܝܪܐܝܬ܆ ܗܠܝܢ ܕܩܛܝܢܐܝܬ ܒܐܘܠܨܢܐ ܡܬܒ̇ܩܝܢ. ܕܒܗܝܠܘܬܐ ܕܚܫ̇ܐ ܕܐܝܬ ܨܐܝܕܝܗܘܢ: ܕܝ̈ܘܐ ܐܚܪ̈ܢܐ ܚ̇ܙܝܢ ܕܨ̇ܒܝܢ ܢܫ݂ܓܫܘܢ
chapter
60
60
ܓܡܝܪܘܬܐ ܡܝܬܪܬܐ ܡܫܬܟܚܐ ܨܝܕ ܢܦܫܐ܆ ܐܡܬܝ ܕܠܟܠܗܘܢ ܕܝ̈ܘܐ ܕܥܒܝܕܝܢ ܣܩܘܒܠܐ܇ ܠܟܠܗܘܢ ܥ̇ܒ̈ܕܐ ܕܡܝܬܪܘܬܐ ܬ݂ܙܟܐ. ܘܒܠܚܘܕ ܓܡܝܪܘܬܐ ܕܝܢ ܕܠܐ ܡܫܡܠܝܐ܆ ܐܡܬܝ ܕܠܚܕ ܒܥܠܕܪܗ̇ ܬ݂ܙܟܐ
chapter
61
61
ܠܐ ܐܬ̇ܐ ܗܘܢܢ ܠܩܕܡܘܗܝ ܘܡ̇ܫܢܐ ܫ̈ܘܢܝܐ ܬܡ̈ܝܗܐ ܘܗ̇ܘܐ ܒܐܬܪܐ ܕܠܐ ܡܓܫ̈ܡܐ܇ ܐܠܐ ܐܢ ܡܬ̇ܪܨܝܢ ܚܫ̈ܐ ܕܒܗ. ܫܓܘܫܝܗ ܕܝܢ ܕܡܢ ܠܓܘ܆ ܗܘ݂ ܡ̇ܦܢ݂ܐ ܠܗ ܠܘܬ ܗܠܝܢ ܕܚܕܐ ܙܒܢ ܐܬܪܚ̇ܩ ܡܢܗܝܢ
chapter
62
62
ܠܡܕܥܢ ܐܦ ܡܝܬܪ̈ܬܐ ܐܦ ܒܝ̈ܫ݂ܬܐ݂ ܣܡܝܐ ܥ̈ܒܕܢ ܡܝܬܪ̈ܬܐ ܕܠܐ ܢܚܙܐ ܒܝ݂ܫ̈ܬܐ. ܘܒܝܫ̈ܬܐ ܕܠܐ ܢܚܙܐ ܡܝܬܪ̈ܬܐ
chapter
63
63
ܐܡܬܝ ܕܗܘܢܢ ܢܫ̇ܪܐ ܕܕܠܐ ܢܘܬ̇ܦ ܠܡܩ̇ܪܒܘ ܨ̈ܠܘܬܗ܆ ܗܝܕܝܢ ܠܘܬ ܡܢ̇ܬܐ ܕܚܡ݂ܬܐ ܕܢܦܫܢ܆ ܒܐܝܡܡܐ ܘܒܠܠܝܐ݂ ܩܪܒ̇ܐ ܩܐ̇ܡ
chapter
64
64
ܬܚܘܝܬܐ ܕܩܪܝܒܘܬܐ ܕܢܦܫܐ ܐܟܡܐ ܕܗܘ݂ ܠܘܬ ܠܐ ܚܫܘܫܘܬܐ ܗ݂ܘܝܐ܆ ܐܡܬܝ ܕܡܫܪܐ ܗܘܢܐ ܠܡܚܙܐ ܨܡ݂ܚܗ: ܘܠܘܬ ܫܪܓܪ̈ܓܝܬܐ ܕܡܢ ܚܠܡ̈ܐ ܓܕ̈ܫܢ ܠܐ ܡܬܬܙܝܥ܇ ܘܫܦܝܐܝܬ ܚ̇ܙܐ ܟܠܗܝܢ ܨ̈ܒܘܬܐ
chapter
65
65
ܚܠܝܡ ܗܘܢܐ ܐܝܬܘܗܝ܆ ܐܡܬܝ ܕܠܡܕܡ ܕܥܠܡܐ ܗܢܐ܇ ܒܙܒܢܐ ܕܨܠܘܬܐ ܠܐ ܡܫܬܪܓܠ
chapter
66
66
ܗܘܢܐ ܕܒܛܝܒܘܬܐ ܕܐܠܗܐ ܥ̇ܒ̈ܕܐ ܕܡܝܬܪ̈ܬܐ ܓܡ̇ܪ ܘܐܬܩ̇ܪܒ ܠܘܬ ܝܕܥܬܐ܆ ܩܠܝܠ ܡܪܓܫ ܡܢ ܡܢܬܐ ܣܟܠܬܐ ܕܢܦܫܐ. ܚܛܦܐ ܠܗ ܓܝܪ ܝܕܥܬܗ ܠܪܘܡܐ܆ ܘܡܢܟܪܝܐ ܠܗ ܡܢ ܟܠܗܝܢ ܕܒܥܠܡܐ
chapter
67
67
ܓܡܝܪܬܐ ܗ݂ܘܝܐ ܢܦܫܐ܆ ܠܘ ܗ̇ܝ ܕܠܐ ܚ̇ܫܐ ܨ̈ܒܘܬܐ܆ ܐܠܐ ܗ̇ܝ ܕܐܦܠܐ ܡܢ ܥܘܗܕܢܗܝܢ ܡܫܬܓܫܐ
chapter
69
69
ܪܒܐ ܗܝ ܕܠܐ ܢܘܬܦܐ ܐܢܫ ..ܠܐ. ܡܥܠܝܐ ܕܝܢ ܕܢܙܡ̇ܪ ... ܕܠܐ ܢܘܬܦܐ
chapter
70
70
ܗ̇ܘ ܐܝܢܐ ܕܡܝܬܪ̈ܬܐ ܒܩܢܘܡܗ ܩܒ݂ܥ: ܘܟܠܗ ... ܐܬܡ̇ܙܓ܆ ܠܘ ܡܛܠ ܫ̈ܘܢܩܐ ܘܕܝܢ݂ܐ ܕܥܬܝܕ ܛܒܬܐ ܣ̇ܥܪ܆ ܐܠܐ ܡܛܠ ܪܚܡܬܐ ܕܐܠܗܐ
chapter
71
71
ܙܡܝܪ̈ܬܐ ܕܫܐ̈ܕܐ݂ ܡ̈ܙܝܥܢ ܪܓܬܢ ܘܒܫܪܓܪ̈ܓܝܬܐ ...ܝܬܐ ܢܦܫܢ ܪܡܝܢ. ܘܙܡܘܪ̈ܐ ܕܝܢ ܘܬܫ̈ܒܚܬܐ: ... ܙܡܝܪ̈ܬܐ ܕܪܘܚ ܩܘܕܫܐ ܠܥܘܗܕܢܐ ܕܡܝܬܪܘܬܐ ܠܡܕܥܢ ܢܓ̈ܕܢ ...ܡܬܐ ܕܪܘܓܙܢ ܡ̈ܦܝܓܢ. ... ܡ̈ܚܡܝܢ
chapter
72
72
ܐܢ ܓܝܪ ܕܢ̇ܚܬܝܢ ܠܕܪܐ ... ܘܡܬܐܠܨܝܢ: ܡܬܟܬܫܝܢ ܕܝܢ ܥܡܢ ܕܝ̈ܘܐ܆ ܡܕܝܢ ܐܦ ܗܢܘܢ ܡܐ ܕܐ̇ܠܨܝܢ ܠܢ܆ ܐܦ ܗ݂ܢܘܢ ܡܬܐܠܨܝܢ ܡܢܢ
chapter
73
73
ܢܝܚܐ ܠܚܟܡܬܐ܆ ܥܡܠܐ ܠܣܟܘܠܬܢܘܬܐ ܡ̇ܬܐ̇ܡܢ ܠܐ ܓܝܪ ܩ̇ܢܐ ܐܢܫ ܚܟܡܬܐ ܕܠܐ ܩܪܒܐ܆ ܘܠܐ ܚ̇ܣܢ ܐܢܫ ܩܪܒܗ ܕܠܐ ܝܕܥܬܐ. ܗܕܐ ܓܝܪ ܡܗ̇ܝܡܢܐ ܕܬܩܘܡ ܠܘܩܒܠ ܚܡܬܐ ܕܕܝ̈ܘܐ܇ ܕܥܨܝܢ ܠܚܝܠܗ̇ ܕܢܦܫܐ܇ ܕܢܣܥܪܘܢ ܡܕܡ ܕܐܝܬ ܠܗܘܢ. ܕܐܘܪܚܐ ܡ̇ܬܩܢܐ ܩܕܡ ܚܟܡܬܐ
chapter
74
74
ܢܣܝܘܢܐ ܕܐܝܚܕܝܐ ܐܝܬܘܗܝ܆ ܚܘܫܒܐ ܕܣ̇ܠܩ ܥܠܘܗܝ ܕܡܢ̇ܬܐ ܕܚܫܘܫܘܬܐ ܕܢܦܫܐ ܘܡ̇ܚܫܟ ܗܘܢܗ
chapter
75
75
ܚܛܝ݂ܬܐ ܕܐܝܚܝܕܝܐ ܐܝܬܝܗ̇܆ ܐܡܬܝ ܕܒܚܘܫܒܗ ܢܫ݂ܠܡ ܠܪܓܬܐ ܡܣܠܝܬܐ. ܡܠܐ̈ܟܐ ܚ̇ܕܝܢ܆ ܐܡܬܝ ܕܒܝ݂̈ܫܬܢ ܙܥܪ̈ܢ. ܕܝ̈ܘܐ ܕܝܢ ܐܡܬܝ ܕܙܥܪ̈ܢ ܡܝܬܪ̈ܬܐ
chapter
76
76
ܡܠܐ̈ܟܐ ܓܝܪ ܡܫ̈ܡܫܢܐ ܐܝܬܝܗܘܢ܆ ܕܚܘܒܐ ܘܕܪ̈ܚܡ݂ܐ. ܗܠܝܢ ܓܝܪ ܠܐ ܡܫܬܡ̈ܥܢܐ ܐܢܘܢ܆ ܕܪܘܓܙܐ ܘܕܣܢܐܬܐ ܘܡܠܐ̈ܟܐ ܐܡܬܝ ܕܩܪܒܝܢ ܨܐܕܝܢ ܡ̇ܠܝܢ ܠܢ ܚܙܬܐ ܪܘܚܢܝܬܐ. ܫܐ̈ܕܐ ܒܩܪܝܒܘܬܗܘܢ. ܠܫܪ̈ܓܪܓܝܬܐ ܨ̈ܚܢܬܐ ܡܦ݂ܢܝܢ ܠܗ̇ ܠܢܦܫܐ
chapter
77
77
ܡܝܬܪ̈ܬܐ ܠܘ ܚܐ̈ܦܐ ܕܕ̈ܝܘܐ ܟܠܝܢ ܡܢܢ܆ ܐܠܐ݂ ܠܢ ܡܢܛܪ̈ܢ ܒܚܣܝܘܬܐ
chapter
78
78
ܣܘܥܪܢܐ ܓܝܪ ܕܡܝܬܪܘܬܐ ܐܝܬܘܗܝ܆ ܦܘ̇ܪܣܐ ܪܘܚܢܐ܇ ܕܡ̇ܕܟܐ ܡܢ̇ܬܐ ܚܫܘܫܬܐ ܕܢܦܫܐ.
chapter
79
79
ܠܐ ܣ̇ܦܩܝܢ ܥ̇ܒ̈ܕܐ ܕܦܘܩ̈ܕܢܐ܇ ܕܓܡܝܪܐܝܬ ܢ̇ܐܣܘܢ ܚ̈ܝܠܝܗ̇ ܕܢܦܫܐ܇ ܐܢ ܗܝܡܢܘܬܐ ܕܫܪܪܐ ܕܙܕܩܐ ܠܕܘܒܪ̈ܐ ܠܐ ܢܫܬܟܚܘܢ ܒܗ̇
chapter
80
80
ܠܐ ܡܫܟܚܝܢܢ ܠܡܩܡ ܩܕܡ ܟܠܗܘܢ ܚܘ̈ܫܒܐ ܕܡܢ ܡܠܐ̈ܟܐ ܗ̇ܘܝܢ ܠܢ. ܕܢܗ݂ܦܟ ܕܝܢ ܥܠ ܟܠܗܘܢ ܚܘܫ̈ܒܐ ܕܡܢ ܕܝ̈ܘܐ݂ ܡܫܟܚܐ. ܘܒܬܪ ܗܠܝܢ ܚܘܫ̈ܒܐ ܕܡܠܐ̈ܟܐ܆ ܗ̇ܘܐ݂ ܗܘܦܟܐ ܡܫܝܢܐ. ܒܬܪ ܗܠܝܢ ܕܝܢ ܕܕ̈ܝܘܐ݂ ܗܘܦܟܐ ܫܓܝܫܐ
chapter
81
81
ܝܠ݂ܕܐ ܕܠܐ ܚܫܘܫܘܬܐ ܐܝܬܘܗܝ݂ ܚܘܒܐ. ܠܐ ܚܫܘܫܘܬܐ ܕܝܢ ܐܝܬܝܗ̇܆ ܗܒ̈ܒܐ ܕܣܘܥܪ̈ܢܐ. ܣܘܥܪ̈ܢܐ ܕܝܢ ܡܬܩ̇ܝܡܝ݂ܢ ܡܢ ܢܛܘܪܘܬܐ ܕܦܘܩ̈ܕܢܐ. ܠܦܘܩ̈ܕܢܐ ܕܝܢ ܢ̇ܛܪܐ ܕܚܠܬܐ ܕܐܠܗܐ܇ ܕܐܝܬܝܗ̇ ܝܠ݂ܕܐ ܕܗܝܡܢܘܬܐ ܕܫܪܪܐ. ܗܝ݂ ܕܝܢ ܗܝܡܢܘܬܐ ܐܝܬܝܗ̇܆ ܛ̇ܒܬܐ ܕܒܢܦܫܐ܇ ܗ̇ܝ ܕܡܟ݂ܢܐ ܕܬܫܬܟܚ ܐܦ ܨܝܕ ܐܝܠܝܢ ܕܠܐ ܥܕܟܝܠ ܗܝ̇ܡܢܘ ܒܐܠܗܐ
chapter
82
82
ܐܟܙܢܐ ܕܡܐ ܕܣ̇ܥܪܐ ܢܦܫܐ ܒܝܕ̇ ܦܓܪܐ: ܡܪܓܫܐ ܒܗܕܡ̈ܐ ܕܡܚܝ݂ܠܝܢ܆ ܗܟܢܐ ܗܘܢܢ ܐܡܬܝ ܕܣܘܥܪ̈ܢܘܗܝ ܣ̇ܥܪ: ܡܫܬܘܕܥ ܚ̈ܝ݂ܠܘܗܝ. ܘܐܝܢܐ ܕܐܝܬܘܗܝ ܡܥܘܟܢܐ܆ ܡܫܟܚ ܠܗ ܦܘܩܕܢܐ݂ ܕܡ̇ܐܣܐ ܠܗ
chapter
83
83
ܗܘܢܢ ܐܡܬܝ ܕܩܪܒܐ ܕܚܫܐ ܡ̇ܩܪܒ܆ ܠܐ ܡܣܬ̇ܟܠ ܒ̈ܙܢܘܗܝ ܕܩܪܒܐ. ܕܡ̇ܐ ܓܝܪ݂ ܠܗ̇ܢܘܢ ܕܒܠܠܝܐ ܡܬܟ̇ܬܫܝܢ. ܐܢ ܕܝܢ ܠܐ ܚܫܘܫܘܬܐ ܢܩ݂ܢܐ܆ ܕܠܝܠ݂ܐܝܬ ܡܫܬܘܕܥ ܦܘ̇ܪ̈ܣܐ ܕܒܥܠܕܒ̈ܒܘܗܝ
chapter
84
84
ܫܘܠܡܐ ܕܥ̇ܒ̈ܕܐ ܐܝܬܘܗܝ݂ ܚܘ݂ܒܐ. ܕܝܕܥ݂ܬܐ ܕܝܢ܆ ܕܢܐܡܪ ܥܠ ܐܠܗܐ. ܪܝܫܐ ܕܝܢ ܕܬܪ̈ܬܝܗܝܢ ܐܝܬܝܗ̇ ܗܝܡܢܘܬܐ݂ ܘܚܙܬܐ. ܕܟܝ̈ܢܐ. ܘܗܠܝܢ ܕܝܢ ܕܩ̇ܝܡܝܢ ܠܘܬ ܡܢ̇ܬܐ ܕܚܫܘܫܘܬܐ ܕܢܦܫܐ܆ ܗܠܝܢ ܕܡܬܐܡܪܝܢ ܕܐܝܬܝܗܘܢ ܣܩ̈ܘܒܠܐ ܕܥ̇ܒ̈ܕܐ. ܗܠܝܢ ܕܝܢ ܕܒܚܘܫ̈ܒܐ ܗ̇ܡܣܝܢ܆ ܒܥܠܕܒ̈ܒܐ ܕܟܠܗ ܫܪܪܐ ܡܫܬܡܗܝܢ܆ ܘܣ̈ܩܘܒܠܐ ܕܚܙܬܐ ܡܥܠܝܬܐ. ܠܝܬ ܡܕܡ ܕܡ̇ܕܟܐ ܓܘܫ̈ܡܐ܇ ܘܗ݂ܘ ܗܢܐ ܡܩܘܐ ܨܝܕ ܗ̇ܢܘܢ ܕܐܬܕܟܝܘ ܒܬܪ ܬܕܟܝܬܗܘܢ.
chapter
85
85
ܡܝܬܪ̈ܬܐ ܕܝܢ ܡ̈ܕܟܝܢ ܠܢܦܫܐ܆ ܘܡܢ ܒܬܪ ܬܕܟ݂ܝܬܗ̇. ܡ̈ܩܘܝܢ ܨܐܕܝܗ̇
chapter
86
86
ܟܐܢܐܝܬ ܢܦܫܐ ܡܠܝܠܬܐ ܣ̇ܥܪܐ܆ ܐܡܬܝ ܕܡܢ̇ܬܐ ܕܪܓܬܗ̇ ܠܡܝܬܪܘܬܐ ܡܬܝܐܒܐ܇ ܐܝܟ ܡܐ ܕܡܫܟܚܐ܆ ܘܒܡܢ̇ܬܐ ܕܚܡ݂ܬܗ̇ ܚ݂ܠܦ ܗܕܐ ܡܬܟܬ̇ܫܐ. ܚܘܫܒܗ̇ ܕܝܢ ܢܣܬ̇ܟܠ ܒܚܙܬܐ ܕܗܠܝܢ ܕܐܝܬܝܗܝܢ
chapter
87
87
ܗ̇ܘ ܐܝܢܐ ܕܡܫܬܘܫܛ ܒܥ̇ܒ̈ܕܐ ܕܡܝܬܪܘܬܐ܆ ܚܫ̈ܘܗܝ ܡ̇ܙܥܪ. ܐܝܢܐ ܕܝܢ ܕܒܝܕܥܬܐ ܠܩܕܡܘܗܝ ܐܬ̇ܐ܆ ܡ̇ܙܥܪ ܠܠ݂ܐ ܝܕܥܬܐ. ܘܚܫ̈ܐ܆ ܢܗܘܐ ܙܒܢܐ݂ ܕܓܡܝܪܐܝܬ ܢܬܚ̇ܒܠܘܢ. ܠܠܐ ܝܕܥܬܐ ܕܝܢ܆ ܡܢܗ̇ ܗ̇ܘܐ ܠܗ̇ ܫܘܠܡܐ. ܘܡ... ܠܐ ܐܝܟ ܕܐ̇ܡܪܝܢ
chapter
88
88
ܡܢ ܚܫܚܬܐ ܕܣܘܥܪ̈ܢܐ ܗ̈ܘܝܢ܆ ܐܦ ܛ̈ܒܬܐ ܐܦ ܒܝ݂ܫ̈ܬܐ. ܕܣܟܘܠܬܢܐ ܕܝܢ ܐܝܬܝܗ̇܆ ܕܢܬܚܫܚ ܒܚܕܐ ܚܕܐ ܡܢ ܗܠܝ݂ܢ ܐܝܟ ܕܘ̇ܠܐ
chapter
89
89
ܬܠܬ ܡ̈ܢܘܢ ܗ̈ܘܝܢ ܕܢܦܫܐ ܡܠܝܠܬܐ܇ ܐܝܟ ܕܐܡ݂ܪ ܡܠܦܢܢ ܚܟܝܡܐ. ܘܐ݂ܡܬܝ ܕܒܡܢ̇ܬܐ ܕܚܫܘܒܬܢܘܬܐ ܕܢܦܫܐ ܬܗܘܐ ܡܝܬܪܘܬܐ܆ ܡܬܩܪܝܐ ܣܟܘܠܬܢܘܬܐ. ܘܚܟܡܬܐ ܘܝܕܥܬܐ. ܐܡܬܝ ܕܝܢ ܕܒܡܢ̇ܬܐ ܕܪܓܬܐ ܬܗܘܐ ܡܝܬܪܘܬܐ܆ ܡܬܩܪܝܐ ܚܘܒܐ ܘܢܟܦܘܬܐ. ܘܡܣܝܒܪܢܘܬܐ. ܐܡܬܝ ܕܝܢ ܕܒܡܢ̇ܬܐ ܕܚܡܬܐ ܚܝܠܬܢܘܬܐ݂ ܘܡܚܡܣܢܢܘܬܐ ܒܟܠܗ̇ ܕܝܢ ܢܦܫܢ ܟܐܢܘܬܐ ܘܥܒ̇ܕܐ ܕܚܟܡܬܐ ܐܝܬܘܗܝ܆ ܕܬܩܘܡ ܠܘܩܒܠ ܚ̈ܝܠܐ ܣܩ̈ܘܒܠܝܐ܆ ܘܕܬܬܟ̇ܬܫ ܚ݂ܠܦ ܡܝܬܪ̈ܬܐ܆ ܘܥܡ ܒܝ݂ܫ̈ܬܐ ܠܡ̇ܩܪܒܘ. ܗܠܝܢ ܕܝܢ ܕܐܝܬܝܗܝܢ ܡܨ̈ܥܝܬܐ. ܕܠܐ ܛ̈ܒܬܐ ܘܠܐ ܒܝܫ̈ܬܐ܆ ܠܘܩܒܠ ܙܒ̈ܢܐ ܠܡܦܪܢܣܘ. ܕܝܕܥܬܐ ܕܝܢ܆ ܕܟܠ ܡܕܡ ܕܥܗܢ ܠ..ܚܬܐ܆ ܘ̇ܠܝܐܝܬ ܠܡܬܕܒܪܘ. ܕܚܟܡܬܐ ܕܝܢ܆ ܠܡܣܬܟܠܘ ܡ̈ܠܐ̇ ܕܡܓܫܡ̈ܐ ܘܠܐ ܡܓܫ̈ܡܐ. ܥܒ̇ܕܐ ܕܝܢ ܕܢܟܦܘܬܐ܆ ܕܢܚܙܐ ܐܢܫ ܕܠܐ ܚܫ̈ܐ܇ ܨ̈ܒܘܬܐ ܕܡ̈ܙܝܥܢ ܒܢ ܫܪܓܪ̈ܓܝܬܐ ܦ̈ܛܥܬܐ. ܕܚܘܒܐ ܕܝܢ܆ ܕܠܟܠ ܨܠܡܐ ܕܐܠܗܐ ܗܟܢܐ ܢܩ̇ܒܠ܆ ܐܝܟ ܕܠܬܦܢܟܐ ܕܫܪܪܐ܇ ܐܦܢ ܡܫܟܚܝܢ ܕܝ̈ܘܐ ܕܢܛܡܐܘܢܝܗܝ. ܬܘܒ ܕܝܢ ܕܡܣܝܒܪܢܘܬܐ܆ ܕܠܟܠ ܪܓܬܐ ܕܐܝܬ܆ ܒܚܕܘܬܐ ܢܒ̇ܪܐ ܡܢ ܢܦܫܗ. ܘܠܐ ܢ݂ܕܚܠ ܡܢ ܒܥܠܕܒ̈ܒܘܗܝ. ܘܕܒܨܒܝܢܐ ܛ̇ܒܐ ܢܚܡܣܢ ܒܒ̈ܝ݂ܫܬܐ. ܕܟܐܢܘܬܐ ܕܝܢ ܐܝܬܝܗ̇܆ ܕܬܥܒܕ ܕܗܘ݂ܬ ܫܘ݂ܝܐ ܢܦܫܐ݂ ܒܟܠܗܝܢ ܡ̈ܢ̇ܘܬܗ̇
chapter
90
90
ܦܐܪ̈ܐ ܕܙܪ̈ܥܐ ܐܝܬܝܗܝ݂ܢ ܟ̈ܦܐ. ܕܡܝܬܪ̈ܬܐ ܕܝ݂ܢ ܝܕܥܬܐ. ܘܐܟܙܢܐ ܕܢܩ̈ܝܦܢ ܠܙܪ̈ܥܐ ܕܡ̈ܥܐ܆ ܗܟܢܐ ܐܦ ܠܟ̈ܦܐ ܚܕ̈ܘܬܐ
chapter
91
91
ܙܕܩ ܠܢ ܕܝܢ ܕܐܦ ܐܘܪ̈ܚܬܐ ܕܝ̈ܚܝܕܝܐ: ܗܠܝܢ ܕܬܪܝܨܐܝܬ ܪܕܘ ܩܕܡ݂ܝܢ܆ ܠܡ̇ܩܒܘ݂ ܘܒܗܝܢ ܠܡܡ̇ܪܝܘ. ܣ̈ܓܝܐܬܐ ܡܫܟܚܝܢܢ܇ ܕܐܣܬܥܪ̈ܝ ܘܐܬܐܡܪܝ ܡܢܗܘܢ ܫܦܝܪ. ܕܒ̈ܗܝܢ ܐܝܬܝܗ̇ ܐܦ ܗܕܐ. ܐܡ̇ܪ ܗܘܐ ܓܝܪ ܚܕ ܡܢܗܘܢ. ܕܣܝܒܪܬܐ ܝܒܝܫܬܐ ܕܫܘܝܐܝܬ ܪܕܝܐ: ܕܚܠ݂ܝܛ ܒܗ̇ ܚܘܒܐ܆ ܩܠܝܠܐܝܬ ܡܥ݂ܠܐ ܠܗ ܠܝܚܝܕܝܐ ܠܠܡܐܢܐ ܕܠܐ ܚܫܘܫܘܬܐ. ܗܘ݂ ܗܢܐ ܟܕ ܚ݂ܙܐ ܐܚܐ ܕܡܫ݂ܬܓܫ ܒܠܠܝܐ܆ ܦܨܝܗ ܡܢ ܫܪܓܪ̈ܓܝܬܐ. ܟܕ ܦܩ݂ܕ ܠܗ܆ ܕܒܨܘܡܐ ܢܫܡܫ ܠܗ̇ܢܘܢ ܐ̈ܚܐ ܕܡܚ݂ܝܠܝܢ. ܘܟܕ ܐܫܬ̇ܐܠ݂ ܐܡ݂ܪ. ܕܠܐ ܒܡܕܡ ܐܚܪܝܢ ܐܝܟ ܕܒܡܪܚܡܢܘܬܐ ܡܬܕ̇ܥܟܝܢ ܗܠܝܢ ܚܫ̈ܐ
chapter
92
92
ܩ݂ܪܒ ܐܢܫ ܡܢ ܚ̈ܟܝܡܐ ܠܘܬ ܙܕܝܩܐ ܐܢܛܘܢܝܣ݂ ܘܐܡ݂ܪ ܠܗ. ܕܐܝܟܢܐ ܡܣܝܒܪ ܐܢܬ ܐܘ ܐܒܝ܇ ܕܓܠܝܙ ܐܢܬ ܗܘ ܡܢ ܒܘܝܐܐ ܕܟܬ̈ܒܐ. ܗ݂ܘ ܕܝܢ ܦ̇ܢܝ ܠܗ ܦܬܓܡܐ܆ ܘܐܡ݂ܪ. ܟܬܒܐ ܕܝܠܝ ܐܝܬܘܗܝ ܐܘ ܚܟܝܡܐ܆ ܟܝܢܐ ܕܗܠܝܢ ܕܗ̈ܘܝ. ܘܩ̇ܪܝܒ ܠܝ ܐܡܬܝ ܕܨ̇ܒܐ ܐܢܐ ܕܐ̇ܩܪܐ ܒܡ̈ܠܘܗܝ ܕܐܠܗܐ
chapter
93
93
ܫܐܠܢܝ ܡܐܢܐ ܓܒ݂ܝܐ ܡܨܪܝܐ ܣܒܐ ܡܩܪܝܣ܆ ܕܥܠ ܡܢܐ ܡܐ ܕܐܚܕܝܢܢ ܐܟܬܐ ܥܠ ܒܢܝ̈ܢܫܐ܇ ܚܝܠܐ ܕܥܘܗܕܢܐ ܕܢܦܫܐ ܡܘܒܕܝܢ ܚܢܢ. ܐܡܬܝ ܕܝܢ ܕܠܕܝ̈ܘܐ ܐܠܡܝܢܢ܇ ܕܠܐ ܢܟܝܢܐ ܡܩ̇ܘܝܢܢ. ܘܟܕ ܠܐ ܐ̇ܫܟܚܬ ܕܐ̇ܦܢܐ ܠܗ ܦܬܓܡܐ܆ ܡܦ݂ܝܣ ܗܘܝܬ ܠܗ ܕܗܝ݂ ܗܕܐ ܢ̇ܠܦܢܝ. ܐܡ̇ܪ ܠܝ. ܕܗ̇ܝ ܠܡ ܩܕܡܝܬܐ܆ ܠܒܪ ܡܢ ܟܝܢܐ ܐܝܬܝܗ̇. ܗܕܐ ܕܝܢ ܕܬܪ̈ܬܝܢ ܕܠܘܩܒܠ ܕܝ̈ܘܐ܆ ܕܟܝܢܐ ܗܝ ܕܚܡ݂ܬܐ
chapter
94
94
ܐܬ̇ܝܬ ܒܛܗܪܐ ܨܚܝܚܐ܆ ܠܘܬ ܐܒܘܢ ܩܕܝܫܐ ܡܩܪܝܣ. ܘܟܕ ܣ̇ܓܝ ܡܢ ܨܗ݂ܝܐ ܝ̇ܩܕ ܗܘܝܬ܆ ܫ̇ܐܠܬ ܡ̈ܝܐ ܕܐ̇ܫܬܐ. ܗ݂ܘ ܕܝ݂ܢ ܐܡ݂ܪ ܠܝ. ܕܣ̇ܦܩ ܠܟ ܛܠܠܐ. ܣ̈ܓܝܐܐ ܓܝܪ ܪ̈ܕܝܝ ܒܐ̈ܠܦܐ ܒܝܡܐ݂ ܘܚܡ݂ܪ̈ܐ ܕܓܠܝܙܝܢ ܡܢ ܗܢܐ. ܘܟܕ ܒܡ̈ܠܐ ܕܥܠ ܡܣܝܒܪܢܘܬܐ ܕܪܫ̇ ܗܘܐ ܥܡܝ݂ ܐܡ̇ܪ ܠܝ. ܐܬܠܒܒ ܒܪܝ ܘܗܘ݂ܝܬ ܝܕ̇ܥ: ܕܒܟܠܗܝܢ ܥܣܪ̈ܝܢ ܫ̈ܢܝܢ܆ ܠܐ ܠܚܡܐ ܘܠܐ ܡ̈ܝܐ݂ ܘܠܐ ܫܢ݂ܬܐ ܣ̇ܒܥܬ. ܠܚܡܝ ܓܝܪ ܐ̇ܟܠ ܗ̇ܘܝܬ ܒܡܬܩܠܐ. ܘܡ̈ܝܝ ܒܟܝܠܐ ܫ̇ܬܐ ܗ̇ܘܝܬ. ܘܟܕ ܠܐܣܬܐ ܢܦܫܝ ܣ̇ܡܟ ܗ̇ܘܝܬ܆ ܩܠܝܠ ܡܢ ܫܢ݂ܬܐ ܚ̇ܛܦ ܗ̇ܘܝܬ
chapter
95
95
ܐܘܕܥܗ ܐܢܫ ܠܚܕ ܡܢ ܝ̈ܚܝܕܝܐ܆ ܥܠ ܡܘܬܗ ܕܐܒܘܗܝ. ܗ݂ܘ ܕܝܢ ܦ̇ܢܝ ܠܗ ܦܬܓܡܐ ܘܐܡ݂ܪ. ܫ݂ܠܝ ܠܟ ܓܒܪܐ ܘܠܐ ܬܓܕܦ. ܐܒ݂ܝ ܓܝܪ ܕܝܠܝ݂ ܠܐ ܡܝܘܬܐ ܐܝܬܘܗܝ
chapter
96
96
ܫ̇ܐܠ ܚܕ ܡܢ ܐ̈ܚܐ ܠܚܕ ܡܢ ܣ̈ܒܐ܆ ܕܐܢܗܘ݂ ܕܦܩ̇ܕ ܠܗ ܕܥܡ ܐܡܗ ܘܥܡ ܐ̈ܚܘܬܗ ܠܡܠܥܣ ܒܒܝܬܐ. ܗܘ݂ ܕܝܢ ܐܡ݂ܪ ܠܗ. ܕܥܡ ܐܢܬܬܐ ܡܡܬܘܡ ܠܐ ܬܠܥܣ.
chapter
97
97
ܩܢ݂ܐ ܗܘܐ ܚܕ ܡܢ ܝ̈ܚܝܕܝܐ݂ ܐܘܢܓܠܝܘܢ ܒܠܚܘܕ. ܘܗܘ݂ ܗܢܐ ܙܒ̇ܢ݂ܗ ܘܝܗ݂ܒܗ ܠܡ̈ܣܟܢܐ. ܘܐܡ݂ܪ ܡܠܬܐ ܕܫ̇ܘܝܐ ܠܥܘܗܕܢܐ. ܕܗܐ ܠܗ̇ ܠܡܠܬܐ ܕܐܡ݂ܪܬ ܠܝ: ܕܙܒ̇ܢ ܟܠܡܕܡ ܕܐܝܬ ܠܟ ܘܗܒ ܠܟ̈ܦܢܐ܆ ܠܗ̇ ܡܙ̇ܒܢ ܐܢܐ܆ ܡܣܬ ܕܡܫ̇ܠܡܢܐ ܕܦܘܩܕܢܐ ܐ̇ܗܘܐ.
chapter
98
98
ܐܝܬ ܕܝܢ ܨܝܕ ܐܠܟܣܢܕܪܝܐ ܡܢ ܓܒܐ ܓܪܒܝܝܐ܆ ܝܡܬܐ ܚܕܐ ܕܡܬܩܪܝܐ ܡ̇ܪܝܐ. ܥܡ̇ܪ ܗܘܐ ܕܝܢ ܨܐܕܝܗ̇ ܝܚܝܕܝܐ ܚܕ ܕܐܝܬܘܗܝ ܓܒܝ݂ܐ ܕܡܫܪ̈ܝܬܐ ܕܝܕܘ̈ܥܬܢܐ. ܗܘ݂ ܗܢܐ݂ ܐܡ̇ܪ ܗܘܐ. ܕܟܠܗܝܢ ܕܡܣܬܥܪ̈ܢ ܡܢ ܝܚ̈ܝܕܝܐ܆ ܡܛܠ ܚܡܫ ܥ̈ܠ݂ܠܢ ܡܣܬܥܪ̈ܢ. ܡܛܠ ܐܠܗܐ. ܡܛܠ ܟܝܢܐ. ܡܛܠ ܥܝܕܐ. ܡܛܠ ܩܛܝܪܐ. ܡܛܠ ܥܒ̇ܕܐ ܕܐܝ̈ܕܝܐ. ܗܘ݂ ܕܝܢ ܟܕ ܗܘ݂ ܐܡ̇ܪ ܗܘܐ܆ ܕܡܝܬܪܘܬܐ ܚܕܐ ܗܝ ܒܟܝܢܗ̇. ܩܢ݂ܝܐ ܕܝܢ ܕܡ̈ܘܬܐ ܣܓܝܐ̈ܬܐ܆ ܒܚ̈ܝܠܐ ܡܫ̈ܚܠܦܐ ܕܢܦܫܐ. ܐܦ ܓܝܪ ܢܘܗܪܐ ܗܢܐ ܕܫܡܫܐ݂ ܕܠܐ ܐܣܟܡܐ ܐܝܬܘܗܝ. ܩ̇ܢܐ ܕܝܢ ܐܦ ܐ̈ܣܟܡܐ ܡܫ̈ܚܠܦܐ܆ ܒܕܡܘܬ ܟ̈ܘܐ ܕܥܐ̇ܠ ܒ̈ܗܝܢ
chapter
99
99
ܐܚܪܢܐ ܕܝܢ ܬܘܒ ܡܢ ܝܚ̈ܝܕܝܐ ܐܡ̇ܪ ܗܘܐ. ܕܡܛܠ ܗܕܐ ܡܪ݂ܝܡ ܐܢܐ ܪ̈ܓܝܓܬܐ ܡܢ ܢܦܫܝ܆ ܥ̈ܠ݂ܬܐ ܕܚܡܬܐ ܐܦܣܘܩ. ܝܕ̇ܥ ܐܢܐ ܠܗ̇ ܓܝܪ ܕܡܬܟ̇ܬܫܐ ܚܠܦ ܪ̈ܓܝܓܬܐ݂ ܘܫܓ݂ܫܐ ܠܗ ܠܗܘܢܝ. ܘܠܝܕܥܬܝ ܪܕܦ݂ܐ
ܩ ܐܡ̇ܪ ܗܘܐ ܚܕ ܡܢ ܣ̈ܒܐ. ܕܚܘܒܐ݂ ܓܘܥܠܢܐ ܕܣܝܒܪ̈ܬܐ ܐܘ ܕܟܣܦܐ݂ ܠܐ ܡ̇ܦܣ ܠܡܛܪ. ܗܘ݂ ܗܢܐ ܣܒܐ݂ ܐܡ̇ܪ ܗܘܐ. ܕܠܐ ܠܡ ܝܕ̇ܥ ܐܢܐ ܕܬܪ̈ܬܝܢ ܙܒ̈ܢܝܢ ܒܚܕܐ ܨܒܘܬܐ ܐܛܥܝܘܢܝ ܕܝ̈ܘܐ
chapter
100
100
ܠܟܠܗܘܢ ܕܝܢ ܐ̈ܚܐ ܠܡܚܒܘ ܫܘܝܐܝܬ݂ ܠܐ ܡܫܟܚܐ. ܕܒܟܠܗܘܢ ܕܝܢ ܕܠܐ ܚܫܐ ܠܡܦܓܥ: ܟܕ ܡܚܪܪܝܢܢ ܡܢ ܣܢܐܬܐ ܘܡܢ ܐܟܬܐ݂ ܡܫܟܚܐ ܩܒ ܠܟܗ̈ܢܐ݂ ܠܡܚܒܘ ܡܢ ܒܬܪ ܡܪܢ. ܗܠܝܢ ܕܒܝܕ ܪ̈ܐܙܐ ܩ̈ܕܝܫܐ ܡܕܟܝܢ ܠܢ܇ ܘܡܨ̇ܠܝܢ ܚܠܦܝܢ ܩܓ ܠܣ̈ܒܝܢ ܓܝܪ ܠܡܝܩܪܘ ܐܝܟ ܕܠܡ̈ܠܐܟܐ. ܗ݂ܢܘܢ ܓܝܪ ܐܝܬܝܗܘܢ ܗ̇ܢܘܢ ܕܡܥܬܕܝܢ ܠܢ ܠܐܓܘܢܐ܇ ܘܢܘ̈ܟܬܬܐ ܕܚܝ̈ܘܬܐ ܒܥܪܝܪ̈ܝܬܐ ܡܐܣܝܢ ܡܢܢ ܩܕ
