1
section
1
Ἀρχὴ σωτηρίας ἡ ἑαυτοῦ κατάγνωσις.
2
section
2
Βέλτιον λίθον εἰκῆ βαλεῖν ἢ λόγον.
3
section
3
Γίνου τοῖς πᾶσιν ὡς σὺ θέλεις τοὺς πάντας.
4
section
4
Δικαιοσύνην μᾶλλον ἔργῳ ἢ λόγῳ ἄσκει.
5
section
5
Εὐσεβὴς οὐχ ὁ πολλοὺς ἐλεῶν, ἀλλ' ὁ μηδένα ἀδικῶν.
6
section
6
Ζῆν ἄμεινον ἐπὶ στιβάδος κατακείμενον καὶ θαρρεῖν ἢ ταράττεσθαι χρυσῆν ἔχοντα κλίνην.
7
section
7
Ἡδὺς ἐκεῖνος φίλων ὁ τὴν ψυχὴν διατρέφων.
8
section
8
Θεὸν ἔργοις μὲν σέβου, λόγῳ δὲ ὕμνει, ἐννοίᾳ δὲ τίμα.
9
section
9
Ἱερέα φρόνησις καὶ βίος καὶ εὐγένεια ποιεῖ.
10
section
10
Κάκιστόν ἐστι πάθεσι δουλεύειν αἰσχροῖς.
11
section
11
Λόγῳ μὲν τὴν ἀρετὴν δίδασκε, ἔργῳ δὲ αὐτὴν κήρυσσε.
12
section
12
Μὴ τὸ ἔχειν ἀρετὴν καλὸν εἶναι νόμιζε, ἀλλὰ τὸ ὡς δεῖ.
13
section
13
Νόμον τιμῶν κατὰ νόμον ζήσεις.
14
section
14
Ξένος ἐκεῖνος, οὗ ξένα τὰ τοῦ κόσμου.
15
section
15
Ὁ φθονῶν ἑαυτὸν ζημιοῖ· ὁ γὰρ κατ' ἄλλου κακῶς φθεγγόμενος φθάνει πάσχων ὑφ' ἑαυτοῦ κακῶς.
16
section
16
Πλούσιον μήτε κολάκευε μήτε παρόξυνε.
17
section
17
Ῥώννυσι μὲν οἶνος τὸ σῶμα, τὴν δὲ ψυχὴν λόγος θεοῦ.
18
section
18
Σιτίοις χρῶ οὐ τοῖς ἡδέσιν, ἀλλὰ τοῖς ὠφελίμοις.
19
section
19
Τοῖς ὄχλοις πειρώμενος ἀρέσκειν τῶν ὄχλων ἔσῃ ὅμοιος.
20
section
20
Ὑπὲρ πάντα καταχρῶ τῷ σώματι.
21
section
21
Φιλόπονος ἐκεῖνος, ᾧ χρόνος περισσεύει.
22
section
22
Χριστιανοῦ ἀνδρὸς μὴ τὸ σχῆμα ἀποδέχου, ἀλλὰ τὸ τῆς ψυχῆς φρόνημα.
23
section
23
Ψέγειν τὸν ἀνεπίληπτον εἰς θεὸν ἁμαρτία.
24
section
24
Ὤτων καὶ γλώσσης μέγας ὁ κίνδυνος.
